Kriza në politikë ka bërë që të mbërrijnë në Tiranë eurodeputetët e Parlamentit Europian në Shqipëri. Kjo ka qenë tema kryesore për diskutim në emisionin “Të Paekspozuarit”.
I ftuar analisti Fatos Lubonja, tha se thelbi i diskutimit është integrimi ndërsa ka kritikuar eurodeputetët të cilët u shprehën se Shqipëria është afër integrimit.

Lubonja tha se kjo nuk mund të qëndrojë për faktin se ne po shkojmë drejtë një autokracie.

Pjesë nga deklarata:

“Thelbi i konfliktit është pikërisht kjo. Unë ndoqa deklaratat e tyre, ata thonë ju jeni afër integrimit. Unë mendoj se nuk kemi bërë hapa para, po shkojmë drejt një autokracie, drejtimit nga një forcë e vetme që s’ka ndodhur në këto 20 vite.

Po të ishin vërtet objektiv ata, pra të shihnin realitetin e shqiptarëve dhe të mos kishin interesa korruptive do thoshin kjo është një situatë që nuk mund të pranoheni në BE, kur të del opozita nga Parlamenti nuk ka si të ndodhë ndryshe”, tha Lubonja.

Për lajm-shqip:

Visar Quni

28.02.2019