Lleshaj pret delegacionin / “Negociatat duhet të hapen këtë vit”…
Ministri i Brendshëm, Sandër Lleshaj priti një delegacion të përbashkët të dy vendeve të BE-së, Irlandës dhe Finlandës.
Ministri Lleshaj, ka ritheksuar rëndësinë e hapjes së negociatave të Shqipërisë në BE.
Ai tha se hapja e negociatave këtë vit do të vinte si një vazhdimësi e natyrshme e procesit të integrimit europian të vendit e si një shtysë për vazhdimësinë e thellimin e reformave në vend.
Në takim, u diskutuan reformat e ndërmarra nga vendi ynë në lidhje me integrimin në BE.
Një tjetër pikë, që u diskutua kishte të bënte me rolin dhe punën e Ministrisë së Brendshme në kuadrin e forcimit të kapaciteteve të Policisë së Shtetit me synim integrimin e vendit por edhe forcimin e bashkëpunimit dypalësh.
Të pranishëm në takim ishin Ambasadorët e vendeve përkatëse në Shqipëri, zyrtarë të lartë nga Ministritë e Jashtme të të dy vendeve dhe ekspertë të çështjeve të Ballkanit dhe zgjerimit të BE-së.
Erjona Keta
07.02.2019
