Lleshaj: Policia në gatishmëri, s’ka deklarata politike…
Ministri i Brendshëm Sandër Lleshaj në një dalje për mediat ka bërë të ditura masat e marra nga policia sa i përket protestës së opozitës.
Pyetjes së gazetarëve që opozita akuzon policinë se të gjitha deklaratat para protestës janë politike, ministri Lleshaj i’u përgjigj: “Nuk ka asnjë deklaratë politike, të gjitha deklaratat e dhëna para protestës, gjatë ose pas saj janë deklarata që i shërbejnë sigurisë dhe mbarëvajtjes së protestës”.
Uniformat blu bënë të ditur se në protestë do të marrin pjesë elementë të tretë.
Ministri nuk devijoi pyetjen e gazetarit, përkundrazi, ai nënvizoi faktin se “Elementë të drejtë janë elementë të tretë”.
Një tjetër pikë për të cilën ministri foli kishte të bënte me shpalljen në kërkim të drejtuesve të policisë.
“Nuk ka shumë drejtues në kërkim prej kohësh, ka disa oficerë policie që janë në kërkim”, u shpreh Lleshaj.
Në datën 21 shkurt, gjatë kohës që po zhvillohej protesta kishte ndërprerje të valëve telefonike. I pyetur nëse do të ketë apo jo masa kaq drastike, Lleshaj u përgjigj: “Nuk di të ketë masa drastike të tilla dhe nuk është masë drastike mbyllja e valëve telefonike kur bëhet në shërbim të mbarëvajtjes së sigurisë.”
Erjona Keta
26.02.2019
