Lista / Të dënuarit në Itali, të cilët ‘i fali’ drejtësia shqiptare…
Lista
Prej vitesh, Italia kërkon që dënimet e dhëna nga drejtësia atje të zbatohen ndaj shtetasve shqiptarë, të cilët pasi kryejnë krimet, fshihen në Shqipëri.
Ky shqetësim zyrtar i Italisë u përfshi edhe në marrëveshjen e bashkëpunimit ndërmjet Ministrisë së Drejtësisë shqiptare dhe asaj italiane.
Në nenin një të kësaj marrëveshje pika B, fraksion 4 thuhet:
“Në këtë kuadër, do t’u jepet prioritet, sektorëve të mëposhtëm:
“Tejkalimit të problematikës në procedurat e ekzekutimit, në territorin e njërit prej dy vendeve, të dënimeve të dhëna në vendin tjetër”.
Mediat kanë arritur të sigurojnë listën që ka shoqëruar ministrin e Drejtësisë, Andrea Orlando në vendin tonë.
Listë, e cila i është bërë publike dhe homologes së tij shqiptare.
Dënimet e dhëna nga Italia, në Shqipëri, janë konvertuar në disa muaj burg dhe deri në liri për persona të rrezikshëm.
Emrat
– Kondi Adriatik, i dënuar në Itali me 22 vite dhe i konvertuar nga drejtësia shqiptare në më pak se gjysmën e dënimit Italian në 10 vite.
– Sokol Genika, i dënuar me 23 vite në Itali dhe konvertuar në Shqipëri në 10 vite.
– Ferdinand Lamaj, dënuar në Itali me 19 vite e 9 muaj dhe konvertuar nga drejtësia shqiptare në 2 vite.
– Lefter Lamaj, dënuar në Itali me 11 vite dhe konvertuar në Shqipëri me 5 vite.
– Alxhi Nallbani, dënuar me 11 vite e 2 muaj e 26 ditë dhe konvertuar nga drejtësia shqiptare në 5 vite e 11 muaj.
– Artan Stafa, edhe pse i dënuar me 7 vite e 6 muaj në Itali, në Shqipëri i është konvertuar në 1 vit e 4 muaj.
Por përse ndodh kjo?
Legjislacioni italian në ndryshim nga ai shqiptar njeh dënimet në mungesë.
Ndërsa, pasi shqiptarët që kanë probleme me drejtësinë në Itali njihen me dënimet kërkojnë transferimin e këtyre dënimeve këtu.
Duke përfituar ulje me anë të konvertimeve dhe boshllëqeve ligjore.
13.12.2017
