Është liruar sërish nga burgu një nga të fortët e vendit, për të cilin opozita ka akuzuar Kryeministrin Edi Rama si të lidhur me të. Bëhet fjalë për Lulzim Keçin, për të cilin PD-ja ka publikuar një foto në një darkë me Edi Ramën dhe Blendi Klosin.
Tre muaj pas arrestimit Gjykata e Apelit e ka liruar Keçin pas kërkesës së avokatit.
Ai u arrestua në datë 11 tetor 2017 pas kërkesës së autoriteteve italiane. Keçi është dënuar me 9 vite burg për disa vepra penale. Arrestimi i tij u bë me qëllim ekstradimin drejt Italisë. Por është liruar dy ditë më parë nga Gjykata e Apelit. Keçi, i njohur edhe si i ‘forti’ i Shijakut është dënuar nga Gjykata e Genovas me 9 vjet e 7 muaj e 22 ditë burg.
Ai u akuzua për disa vepra penale. Dallojnë ato për trafik droge dhe Shfrytëzim prostitucioni. Deputeti i PD-së, Enkelejd Alibeaj, deklaroi sot se e ka liruar Edi Rama nga burgu duke e shpëtuar nga ekstradimi. Mazhoranca, në kohën kur ka dalë fotografia me Ramën e Klosin, ka publikuar foto, ku Lulzim Keçi ndodhej në çadrën e PD-së.
Për Lajm Shqip
Ylli Pata
