Mungesa e trarëve hekurudhor për bllokimin e kalesave është kthyer në makthin e cdo banori që jeton në afërsi të linjave hekurudhore.
Në lagjen numër 13 plazh , përtej tabelave, thuajse të padukshme, që paralajmërojnë rrezikun, mbetet detyre e vetë kalimtarëve dhe e drejtuesve të mjeteve për ta kontrolluar dhe menaxhuar situatën.
Asnje punonjës sigurie ! Mungesë sinjalistike !
Kështu paraqitet aktualisht gjëndja.
Qytetarët ndjehen të rrezikuar në cdo çast !
Rrezik për banorët që jetojnë pranë linjave hekurudhore!
Madje, në këto zona, çdo ditë dhjetra fëmijë, të cilët i drejtohen shkollave, përballen me këtë problem.
Masat e munguara diktojnë një situatë dramatike.
Kjo është njëra anë e medaljes.
Fakti që nuk ka prezencë të mbikalimeve apo nën kalime për këmbësorët, kryesisht në lagjet më të banuara, këto të fundit janë të detyruar të ecin mbi shina.
I lidhur ngushtësisht me udhëtimin, treni simbolizon jetën, por jo për ata që jetojnë afër shinave hekurudhore, sepse fatkeqësisht për ta ka nisur të simbolizojë vdekjen.
Banorët tregojnë se janë dëshmitarë të dhjetra aksidenteve të ndodhura. Fatkeqësisht ata tregojnë edhe për njerëz të cilët kanë humbur jetën mbi këto shina.
Për të mos u kthyer në një rrugë të mallkuar, së pari qytetarët duhet të ndërgjegjësohen dhe së dyti duhen marrë masat e nevojshme, duke vendosur roje dhe sinjalistiken përkatëse.
Silvi Feimi
18.01.2018
