Ka bërë përshtypje shumë gjuha dhe mënyra e komunikimit i Prokopis Pavlopulos, Presidentit të Republikës greke. Mendohet se lidhja serbe e Presidentit grek ka ndikuar në ndjenjën e tij të urrejtjes antishqiptare.
Cila është lidhja serbe e Presidentit grek që ushqen qëndrimin dhe urrejtjen e tij antishqiptare.
Është dinjitari i lartë grek që përdor mënyrën më ekstremiste krahasuar me të gjithë parardhësit e tij. Gjuha veçanërisht ndaj Tiranës zyrtare dhe shqiptarëve nuk ka qenë asnjëherë e drunjtë, diplomatike. Apo të ketë dhënë ndonjë mesazh miqësor karshi fqinjëve të tij. Madje prej dy viteve, kreu i shtetit grek, duket më shumë se kreu i një partie ekstremiste si “Agimi i Artë”, sesa si një përfaqësues i lartë shteti. Madje gjithnjë e më shumë po forcohet bindja se “Agimi i Artë” u ngrit e u shua nga strukturat e shërbimit sekret grek. Pikërisht për të mos depërtuar në shoqërinë greke të vërtetat historike për fqinjët.
Pavlopulos i përket partisë konservatore të qendrës së djathtë Nea Demokratia. Para tij, president të Republikës greke nga kjo forcë politike kanë qenë dy politikanë të njohur. Konstantinos Karamanlis dhe Konstantinos Stephanopoulos. Të dy, sidomos ky i dyti kanë qenë të sertë herë pas here ndaj Tiranës, sidomos ndaj çështjes së minoritetit grek. Por asnjëherë ata nuk kanë avancuar qëndrimet në sulme verbale që kanë ulur nivelin e etikës dhe fjalorit politik.
Kush është Prokopis Pavlopulos?
Prokopis Pavlopulos ka lindur në Kallamata, një zonë pranë Peleponezit, mjaft e pasur. Dhe vendbanim i hershëm i arvanitasve. Atje punojnë mjaft emigrantë shqiptarë: në turizëm dhe bujqësi. Përshtypja që vjen prej emigrantëve për popullsinë e asaj zone është pozitive. Nga ana tjetër mosha e presidentit 68 vjeç si dhe karriera e gjatë, jep prerogativat e një pjekurie politike. Ka qenë ndihmësi i dy presidentëve grekë: Michail Stasinopoulos dhe Kostantinos Karamanlis. Ka qenë këshilltar i kreut të Nea Demokratia Miltiadhis Evert, si dhe ministër i Brendshëm i qeverisë Karamanlis. Gjatë karrierës së tij politike, ai kurrë nuk është përballur me një fjalor të tillë politik. Madje edhe kur ishte ministër i Brendshëm dhe ka pasur të bëjë me të pabërat e mjaft emigrantëve shqiparë.
Pavlos Pavlopulos nuk ka sulmuar shqiptarët. Bën çudi kur shikon në biografinë zyrtare të Presidentit grek një fakt interesant. Ai është kumbar i fëmijëve të Aleksandër dhe Katherina Karagjorgjeviç, familjes mbretërore të Jugosllavisë. Nuk dihet pse ka ndodhur kjo kumbari dhe kjo lidhje. Aleksandër Karagjorgjeviçi u martua me Katherine Clairy Batis, një grua e lindur në Greqi me nënë shqiptare. Me mbiemrin Dosti, por që ka jetuar gjithë jetën në Britaninë e Madhe. Ky fakt duket se ndoshta është ushqyesi më i fortë i një qëndrimi radikal dhe ekstrem të Presidentit grek. I cili, si degë e një lidhje me familjet e vjetra mbretërore të Ballkanit, ka trashëguar pikërisht atë frymë ekstremi. Të cilën ata zbatuan gjatë qeverisjes. Sidomos ndaj shqiptarëve, të cilët i ndanë dhe i copëtuan, duke e kthyer Ballkanin në një fuçi baruti.
Për Lajm-Shqip
Ylli Pata
