Lideri historik i PD-së, Berisha kërkon shpjegime nga kryeministri dhe kryeparlamentari…
Ish-kryeministri Sali Berisha shfrytëzoi foltoren e parlamentit për të hedhur sërish akuza ndaj kreut të Qeverisë.
Berisha tha se kryeministri Rama mbylli punimet e parlamentit për ekspozitën në Gjermani.
Ai i kërkoi kryetarit të kuvendit të tregojë arsyet pse është mbyllur parlamenti.
Gjithashtu duke iu drejtuar deputetëve socialistë , të cilëve “Rama u kishte hedhur trutë e gomarit” u tha asgjë nuk mund ta shpëtojë më kryeministrin.
“Sugarët e tij hapën lajmet se lideri dhe idhulli i tyre do të takohej me Angela Merkel dhe të gjithë kryesorët e Gjermanisë, shkoi dhe u kthye me bisht në shalë.
Nuk iu dha asnjë takim. Iu afrua një takim për ti dhënë një mesazh, të cilin kurrë nuk do jua thotë ju. I kam fare të sigurta sepse tani nuk është zor të monitorosh atë.
Gjerësisht në qarqet ndërkombëtare flitet për njeriut patologjik. Berlinin e priti me rumorin e të sëmurit psiqik dhe përcolli me rumorin e njeriut patologjik.
Mirë ju që ju ka hudhur trutë e veshgjatit por urrejta popullore po rritet njëlloj si temperatura në ethet e malaries.
Asgjë nuk e shpëton Edvinin tuaj. Na sqaro me cfarë motivi i mbyllët parlamentit ditën e enjte. Punon gjithë javën dhe vjen këtu dhe gjen drynin sepse i sëmuri, patologjiku,” tha Berisha.
Kryetari i kuvendit, Gramoz Ruçi iu përgjigj ish-kryeministrit në lidhje me mbylljen e parlamentit.
“Sa për sqarim më 24 janar nuk ka pasur në kalendar seancë plenare pasi sesioni parlamentar nis më 21. Kalendari u miratua nga kryesia dhe nuk ka lidhje me kryeministrin.
Nuk ka qenë i bllokuar por iu dha kohë komisioneve për të përgatitur materialet. Nuk ka pasur seancë sepse është vendosur nga kryesia e parlamentit dhe jo kryeministri”, u shpreh kryeparlamentari Ruçi.
Erjona Keta
31.01.2019
