Lezhë/ E zë korenti duke peshkuar, vdes i riu nga Lapraka
Detaje të tjera janë bërë publike nga ngjarja e rëndë ku një i ri humbi jetën teksa ra në kontakt me energjinë elektrike gjatë peshkimit.
Viktima ka mbetur 32-vjeçari Lulzim Bulku nga Lapraka. Ai po gjuante peshk në një kanal në fshatin Shënkoll në Lezhë.
Burime zyrtare konfirmojnë se ai ra në kontakt me korentin përmes kallamit të peshkimit, por mbetet e paqartë se si janë gjetur telat e energjisë në kanal.
Ai u transportua për në spitalin e Lezhës, por mbërriti pa shenja jete.
Njoftimi i policisë:
“Më datë 09.04.2018 , rreth orës 17:15 është marrë njoftim tek Salla Operative, se në Shënkoll një shtetas ka humbur jetën si pasojë e kontaktit me rrymën elektrike.
Menjëherë në vendngjarje kanë mbërritur shërbimet policore që kanë konstatuar se shtetasi L.B. 32 vjeç, banues në Tiranë, ka qenë duke peshkuar tek një kanal në Shënkoll dhe kallami me të cilin peshkonte ka rënë në kontakt me një kabull të rrymës elektrike”.
Lezhë/ E zë korenti duke peshkuar, vdes i riu nga Lapraka
Për Lajm-shqip
Leonard Xhelili
