Ish-drejtori i Galerisë së Arteve prej shumë vitesh, historiani dhe kritiku i njohur i artit, Gëzim Qendro është ndarë nga jeta.
Qëndro vuante nga një sëmundje e rëndë së cilës nuk mundi t’i mbijetonte.
Ai la gjurmë në edukimin e brezave, si një akademik i shquar.
La gjurmë si intelektual dhe kritik i njohur i artit.
Ky lajm i hidhur u bë i ditur nga ministrja e Kulturës Mirela Kumbaro.
Rreth dy vite më parë Qendro ka patur dhe një pakënaqësi ndaj ministres Kumbaro dhe Ministrisë së Kulturës.
Kjo sa i takon Galerisë së “Onufri XXI”.
Debati lidhej me organizimin e ”Onufrit”, nëse kjo galeri me traditë duhej risjellë ose jo.
Largohet nga jeta historiani dhe kritiku i njohur i artit. Ja dedikimi i Kumbaros për të…
Qendro u shpreh kështu:
“Nuk duhet të mendojmë më, nëse duhet apo jo.
Unë nuk mora pjesë në diskutimin që u bë në Ministri për të thënë që mua më duket pa vend.
Apo që të vij e të diskutojmë duhet apo nuk duhet Onufri.
Jam shumë i kënaqur që u kthye përsëri.
Shpresoj që diskutimi të jetë apo mos të jetë, është krejt i panevojshëm e duhet lënë mënjanë”.
Ai dukej tepër i shqetësuar për mungesën e organizimit të “Onufrit” 3 vite më parë.
Shuarja e të tillë artistëve që ngrenë zërin për kauza të tilla në dobi dhe mbrojtje të artit, është një humbje që lë gjurmë.
Postimi i Ministres Kumbaro në Facebook:
“Trishtim i madh!
Vendosi të largohet sot prej nesh, pas një sëmundje të rëndë dhe shume para kohe, një nga më të mirët, më profesionistët e më të mençurit e Artit dhe të Mendjes, kritiku dhe historiani i estetikës dhe artit, drejtori që bëri kthesën në Galerinë Kombëtare të Arteve, Gezim Qendro.
Le vepra shume te mira mik!
Por edhe na le nje boshllek te madh njerezor e miqsor siç vetëm fisnikët munden.
Je i pazevendesueshem!
Lamtumire!”
Për lajm-shqip:
Klajdi Thaçi
27.02.2018
