“Lamtumirë CEZ”! ‘Shporren’ çekët nga Shqipëria OSHEE i kthehet zyrtarisht shtetit! Operatori i Shpërndarjes së Energjisë (OSHEE) është kthyer tërësisht në duart e qeverisë shqiptare, pasi i është paguar dhe kësti i fundit kompanisë çeke, CEZ Group .
“Lamtumirë CEZ”! ‘Shporren’ çekët nga Shqipëria, OSHEE i kthehet shtetit…
Gjithsesi, Kompania çeke CEZ Group, i ka paguar dhe këstin e fundit shtetit shqiptar, për abuzimet me OSHEE-në. Me dhënien e këtij kësti, çekët e ‘CEZ’, kanë likuiduar në total shumën prej 95 milionë eurosh, për të cilën ishte rënë dakord mes dy palëve.
CEZ group bleu 76% të aksioneve të Operatorit të Shpërndarjes së Energjisë, në vitin 2008 për 103 milionë euro. Kjo pasi nuk plotësoi objektivat dhe humbjet e energjisë, iu afruan nivelit prej 50%. Ndërsa ERE, në 2013, mori vendimin për heqjen e licencës së kompanisë çeke CEZ. Pas shumë negociatash, në qershor të vitit 2014, qeveria e Shqipërisë dhe ajo Çeke arritën një marrëveshje për zgjidhjen e konfliktit.
Çekët e ‘CEZ’, likuiduan në total shumën prej 95 milionë eurosh, për të cilën ishte rënë dakord mes dy palëve.
Marrëveshja e dy qeverive kishte tre pika:
Së pari: Transferimin e menjëhershëm të aksioneve në favor të shtetit shqiptar. Pra 76% që zotëroheshin nga CEZ, duke i dhënë shtetit shqiptar, pronësi të plotë të shoqërisë.
Së dyti: Pala çeke hiqte dorë nga kërkimi i vlerës prej 103 milionë eurosh. Para këto të paguara, për blerjen e aksioneve në vitin 2009. Si dhe heqje dorë, nga çdo pretendim tjetër financiar që lidhet me vlerën e blerjes dhe investimeve fillestare.
Së treti: Shoqëria e re e shpërndarjes e energjisë, që mori aksionet nga pala çeke, merrte përsipër t’i paguajë palës çeke një vlerë prej 87.1 milionë eurosh. Kjo vlerë ra dakord të paguhej me këste deri në vitin 2018, me vlerë interesi 7.9 milionë euro, mbi principalin e rënë dakord.
Ky principal përfaqëson kreditë e marra dhe shumat e faturuara të kërkueshme në çdo kohë nga CEZ s.a.
Përmirësimi i aktivitetit të kompanisë së re Shqiptare (OSHEE)
Pas marrjes së kontrollit nga qeveria shqiptare, performanca e operatorit të shpërndarjes së energjisë u përmirësua ndjeshëm. Të dhënat e fundit të publikuara nga OSHEE, bënë të ditur se treguesi kryesor, niveli i humbjeve në rrjet, për periudhën janar-qershor 2018, ka shënuar nivelin e 25.4, nga 28.6% që ishte në 2017.
Por, për të njëjtën periudhë, ndërkohë para nisjes së reformës, niveli i humbjeve ishte 45.3%. Në muajin qershor 2018, OSHEE arriti të zbrisë nivelin e humbjeve në nivelin 20.8%. Tregues ky optimist për realizimin e objektivave të vendosura nga qeveria shqiptare dhe partnerët e huaj.
Nga ana tjetër, Elton Sevrani, Drejtor i Divizionit Tregtar, deklaron se humbjet e energjisë janë ulur në raport me 6 mujorin e parë 2017 me 3.2%.
Investimet e bëra nga qeveria shqiptare, në infrastrukturën energjitike, përgjatë periudhës 2016-2018…
Administrimi i kompanisë si dhe angazhimi i punonjësve të OSHEE, kanë rezultuar të suksesshme. Kjo duke ulur nivelin e humbjeve dhe rritur të ardhurat.
Por pa harruar dhe punën e vazhdueshme me kontrollet në terren, për matjen dhe reduktimin e vjedhjes së energjisë. Si dhe projektet dhe planet e ndryshme të veprimit, të cilat kanë dhënë kontribut pozitiv në reduktimin e nivelit të humbjeve teknike dhe jo-teknike.
Ndërsa në lidhje me arkëtimet, totali si 6 mujor i parë i 2018-ës, arriti në 33.4 miliardë lekë, ose 1.5 miliardë më tepër se në 2017-ën.
Pra me rritje 4.7%, të normës së arkëtimit ndaj faturës pararendëse, e cila në 6-mujorin 2018 arriti 101.2% (për disa vite ka qenë rreth 70%), me rritje në masën 2.8% në raport me 6-mujorin 2017.
Për Lajm-shqip
Leonard Xhelili
