Lamtumira e Kacifas, policia kthen furgonin me mbështetës të Agimit të Artë pasi… I jepet lamtumira e fundit këtë të enjte Kostandinos Kacifas. Siç u paralajmërua një ditë më parë, këtë mëngjes kanë mbërritur dy autobusët e parë nga Greqia që do të marrin pjesë në ceremoninë e varrimit të 35- vjeçarit. Mediat greke raportuan një ditë më parë se më shumë se 2000 shtetas grekë pritet të mblidhen në varrimin në fshatin Bularat. Ndërkohë gjatë ditës së sotme policia shqiptare ka kthyer një furgon me mbështetës të Agimit të Artë. Dhjetëra persona me simbole dhe flamuj grekë, tentuan të hynin në territorin shqiptar me makina të vogla.
Lamtumira e Kacifas, policia kthen furgonin me mbështetës të Agimit të Artë pasi…
Policia shqiptare po bashkëpunon me atë greke për të parandaluar ndonjë incident të mundshëm. Policia gjithashtu po mban nën mbikqyrje personat me precedent penal, kryesisht ata të Agimit të Artë. Përcjellja drejt banesës së fundit e 35-vjeçarit do të bëhet sot në orën 13:00 në fshatin Bularat, ndërsa prezent do të jenë edhe forcat e policisë. Kujtojmë që Kacifas u vra nga forcat RENEA 12 ditë më parë.
Erjona Keta
08.11.2018
