Lajme të mira për biznesin, shtohen edhe 3 dokumente të tjera që mund të merren online
Të ngjashme mund të lexoni:
Lajme të mira për biznesin
Kryeministri Edi Rama ka dalë sot në përshëndetjen e tij të përditshme, “Mirëmëngjesi”, në Facebook.
Ai ka publikuar disa të dhëna mbi lehtësirat në sportelet e administratës.
Vetëm gjatë muajit nëntor, në e-Albania janë regjistruar me mijëra dokumente tatimore, certifikata, ekstrakte biznesi.
“Dhe me këtë informacion për kohën dhe paratë e kursyera qytetarëve përmes lehtësimit të ndjeshëm të barrës burokratike në sportelet e administratës, ju uroj një ditë të mbarë.”
Vetëm gjatë muajit nëntor janë gjeneruar online në portalin e-Albania:
18,498 vërtetime tatimore;
94,466 certifikata të gjendjes civile;
876 ekstrakte biznesi.
Shumë shërbime publike të portalit e-Albania tashmë do të ofrohen në çdo zyrë noterie dhe filiali të Postës Shqiptare pranë shtëpisë suaj.
E gjithë kjo, pa patur nevojë të shkoni në sportelet përkatëse.
Brenda datës 15 dhjetor 2017, listës me 26 dokumente shoqëruese, të cilat nuk kërkohen më nga sportelet e institucioneve shtetërore, do t’i shtohen edhe 3 dokumente të tjera të lëshuara nga Qendra Kombëtare e Biznesit që tanimë do të gjenerohen përmes portalit e-Albania:
Ekstrakt i thjeshtë;
Ekstrakt historik;
Certifikata e regjistrimit, NUIS.
12.12.2017
