Lajm Shqip sjell investimet e huaja direkte për periudhën 2016-2018. Rritje? Zbritje? Investimet e huaja direkte luajnë një rol të rëndësishëm në industrinë dhe në sigurimin e konkurrencës së produkteve në tregun botëror. Në Shqipëri ato kanë pasur një rritje të lartë pas vitit 2006. Por Lajm Shqip sjell raportet nga 2016-2018 të këtyre investimeve. Kështu, investimet e huaja për vitin 2016 arritën shifrën 1 miliard euro, çka shënoi një rekord të ri historik. Sipas të dhënave të publikuara asokohe, në bilancin e pagesave rezultoi se kompanitë e huaja investuan në ekonominë shqiptare 983 milion euro. Kjo do të thotë 10.5% më shumë se në 2015. Ekonomia përfitoi 2 projekte madhore në fushën e energjitikes, gazsjellësi Tap dhe Kaskada e Devollit.
Nderkohë në nëntorin e vitit 2017 kryeministri Edi Rama nuk la jashtë vëmendjes një çështje të tillë, shumë të rëndësishme për vendin tonë. Gjatë takimit me amabsadorët, Rama e vuri theksin sërish tek rritja e investimeve gjë që kërkonte sipas tij bashkëpunim mes instituconeve. Vetëm përmes këtij bashkëpunimi imazhi i Shqipërisë do të përmirësohej ndjeshëm, sipas Ramës.
Lajm Shqip sjell investimet e huaja direkte për periudhën 2016-2018. Rritje? Zbritje?
Rama: Janë të gjitha arsyet për të qenë të inkurajuar në funksion të një përfshirje shumë më sistematike të shërbimit tonë të jashtëm për të mbështetur zhvillimin ekonomik. Çdonjeri nga drejtuesit e misioneve tona diplomatike, çdo ambasador në vend të parë, të kuptojë rëndësinë e madhe të rolit të tij
Ndërkohë për 3 muajt e parë të 2018, ministri i ekonomisë e konsideron sukses këshillin e investimeve. Këtë e tregoi edhe nëpërmjet shifrave.
Arben Ahmetaj: Investimet e huaja për tre mujorin e parë të 2018 shënuan shifrën 284 milion euro, një rritje e konsiderueshme vjetore. Besojmë që ky vit do të jetë sërish një rekord, me gati 1 miliard dollarë investime të huaja.
Trupi diplomatik në botë duhet të promovojë Shqipërinë. Qëllimi është që të sjellë në vend sa më shumë investitorë të huaj.
Erjona Keta
02.11.2018
Të ngjashme mund të lexoni:
- Mungesa e investimeve, banorët kërcënojnë me bojkotim të…
- Pustec, aty ku investimet mungojnë prej vitesh
- Të parët në rajon për ndërtime, por të fundit për investime strategjike
