Qeveria mund të ulë me forcë tarifat e aeroportit të Rinasit, nëse do të konstatohet se koncesionari privat ka realizuar fitime abuzive duke shfrytëzuar pozitën monopol.
Në Shqipëri vazhdon të mbetet akoma shqetësim çmimi i shtrenjtë i biletave në aeroportin e Rinasit. Nëse bëjmë një kërkim të thjeshtë në internet, shohim se Shqipëria i ka çmimet për të udhëtuar me avion, më të lartat në rajon.
Nga aeroporti i Shkupit mund të udhëtosh në shumë vende të Europës. Vlera e biletës nuk është më shumë se 50 euro. E njëjta gjë është edhe me aeroportin e Prishtinës, ku çmimet janë disa herë më të lira në krahasim me ato të Shqipërisë.
Lajm i mirë/ Shqiptarët paguajnë çmimet më të kripura, mund të ulen tarifat për …
“Besoj se jemi në proces zyrtar të skanimit të balancave apo inbalancave ekonomike në kontratën e koncesionit të aeroportit “Nënë Tereza” dhe shumë shpejt do të kemi rezultate dhe do t’i ndajmë me publikun”, u shpreh Ahmetaj. Vitin e kaluar, “Tirana International Airport” arkëtoi gati 50 milionë euro nga tarifat aeroportuale, duke regjistruar një normë fitimi neto 38%.
“Ka një logjikë në kontratën e koncesionit, që ka të bëjë me kthimin e investimit dhe kapitalit. Kjo është e lidhur drejtpërdrejtë me tarifat aeroportuale, që kanë efektin deri te bileta”, sqaroi Ahmetaj.
Qytetarët shqiptarë paguajnë çmimet më të larta në rajon për fluturimet ajrore. Sipas ekspertëve, një nga shkaqet kryesore se pse qytetarët paguajnë kaq shtrenjtë janë tarifat e larta aeroportuale, që burojnë nga koncesioni monopol i aeroportit.
Për Lajm-shqip
Jorida Fataj
