Kush merr leksione nga njëri-tjetri, për çështjen ‘Droga’, Kryeministri Edi Rama apo ish-ministri i Brendshëm Saimir Tahiri? Kjo është pyetja që shtohet. Ndërsa, një tjetër pyetje është, kush e ndërmjetësoi për këtë takim?
Edi Rama, apo Saimir Tahiri marrin leksione nga njëri-tjetri?
E themi këtë, pasi të dy eksponentë të PS-së, kanë zhvilluar një takim ‘tête-á-tête’, për rreth 60 minuta në mjediset e Spitalit Amerikan 3 në Tiranë.
Gjithsesi, ky takimi enigmatik, bëhet në një moment, kur vëmendja është përqëndruar te kokaina e kapur në Durrës.
Megjithëse, Saimir Tahiri, pretendohet se është përjashtuar nga rradhët e PS-së pasi ai, është nën hetimin, nga Prokuroria e Krimeve të Rënda për dosjen ‘Habilaj’.
Siç duket, ai nuk i ka prerë relatat me Kryeministrin Edi Rama. Nga ana tjetër, opozita ka paralajmëruar se dosja po mbyllet. Megjithatë, ne nuk i hyjmë kësaj çështje, pasi gjithësecili i di vetë, punët e tij.
Por ajo që na shqetëson, është se, për çfarë kanë diskutuar ata? Por dhe kush e organizoi takimin mes këtyre, bashkëpunëtorëve të ngushtë?
Gjithsesi, një hije dyshimi, bie mbi Presidentin e KS Partizani, Gaz Demi. Pasi, emri i tij është përmendur që në momentin e fillimit të hetimeve për Tahirin.
Ndërsa, një një tjetër personazh, mund të jetë, dhe deputeti Bashkim Fino. Pasi dhe ai, njihet si mbështetës i Tahirit. Por Fino, është dhe një kundërshtar i ashpër i Erion Veliajt.
Sepse Fino mendon se, pasi problemeve që Tahiri pati me Drejtësinë italiane, rivali i tij politik, Erion Veliaj, u fuqizua së tepërmi.
Ndërsa Tahiri po kërkon rehabilitimin e tij politik, në rradhët e socialistëve, takimi me Ramën, por dhe mbyllja e dosjes, i krijojnë mundësinë të rifituar terrenin që ia rrëmbeu Kryebashkiaku.
Por nuk përjashtohet mundësia që ndërmjetës mund të kenë qenë dhe ish-ministrja Mimi Kodheli, Pandeli Majko apo deputeti Eduart Shalsi.
Të tre janë simpatizantë dhe mbështetës të Saimir Tahirit.
Për lajm-shqip:
Leonard Xhelili
