Kush është komandanti afgan që u vra në sulmin me armë? Një komandant i lartë i sigurisë afgane, gjenerali Abdul Raziq, është qëlluar për vdekje nga një truproje. Lajmin e konfirmuan vetë militantët talebanë.
Pas takimit të nivelit të lartë brenda kompleksit të guvernatorit, ata kishin thënë se kishin shënjestruar gjeneralin Raziq. Kishin planifikuar të vrisinin edhe komandantin e lartë të SHBA, gjeneralin Scott Miller. Ky I fundit kishte zgjedhur rrugën e arratisjes. Raportohet se u vra edhe kreu lokal I inteligjencës. Nderkohë, guvernatori u plagos rëndë. Tre persona te tjerë u lënduan. Sulmi vjen një ditë para zgjedhjeve të së shtunës. Raportet fillestare thonë se edhe sulmuesi u vra.
Kush është komandanti afgan që u vra në sulmin me armë?
Zyrtarët afganë dhe ndërkombëtarë të sigurisë bënë me dije se gjenerali Raziq u qëllua në shpinë. E gjithë kjo ndodhi pasi u largua nga takimi dhe shkoi drejt një zone ku helikopteri po e çonte grupin e SHBA në Kabul. Këtë e pohoi edhe kreu i keshillit provincial i Kandaharit.
“Zyrtarët atje po shoqëronin të ftuarit e huaj në aeroplan kur ndodhën të shtënat,” tha ai.
Ka njoftime se edhe komandanti i ushtrisë lokale vdiq gjithashtu. Raportet e pakonfirmuara nga zyrtarët lokalë sugjerojnë se gjenerali Miller duket se është ruajtur nga armatura e trupit të tij. Abdul Raziq ishte shef i policisë së Kandaharit.
www.lajm-shqip.com
Erjona Keta
19.10.2018
Të ngjashme mund të lexoni:
