Krimi i rëndë është parandaluar nga policia e Lezhës ndërsa është bërë e mundur arrestimi i autorit.
Brenda nje harku të shkurtër kohor blutë e Lezhës kanë kapur autorin e dyshuar i identifikuar si Mikel Gjonaj.
Burime pranë grupit hetimor në vendin e ngjarjes bëjnë me dije se është sekuestruar edhe arma e krimit.
Kanë qënë Specialistët për Hetimin e Krimit në Komisariatin e Policisë Kurbin që arrestuan autorin.
Kurbin/ Policia parandalon një ngjarje të rëndë, arreston autorin…
Arrestimi në flagrancë ndaj shtetasit Mikel Gjonaj, 21 vjeç, banues në Fashtin Drojë, Kurbin.
Arrestimi në flagrancë i tij u krye pasi ka qëlluar me armë në ajër dhe ka kanosur për motive të dobëta disa punonjes të një firme guroreje, ku ishte i punësuar.
Ndërhyrja në kohë e shërbimeve të Policisë së Kurbinit parandaluan konfliktin, si dhe kapën shtetasin së bashku me armën e zjarrit tip pushkë.
Gjatë kontrollit fizik Policia i gjeti në trup edhe 10 gr kanabis.
Në vendin e ngjarjes grupi hetimor gjeti dhe sekuestroi 3 gëzhoja.
Forca të shumta të policisë të mbërritura në vendin e ngjarjes po punojnë për zbardhjen dhe dokumentimin e plotë të ngjarjes.
Informacionet paraprake thonë për Lajme-Shqip.com se autori ka qënë në gjëndje të rënduar psikologjike në momentin e ngjarjes.
Ledjona Xheladinaj
05.02.2018
