Shqipëria në OBI, kundërshtohet vendimi i Trump për Jeruzalemin
Kundërshtohet vendimi i Trump për Jeruzalemin
Shqipëria mori pjesë në Samitin e Organizatës për Bashkëpunim Islamik, që shpalli Jeruzalemin Lindor si kryeqytetin e Palestinës.
Ky Samit i bëri thirrje gjithashtu edhe komunitetit ndërkombëtar që të ndjekë hapat e saj.
Abbas
“Ne nuk do të pranojmë asnjë rol të Shteteve të Bashkuara në procesin e paqes.
Vendi tregoi se është plotësisht i njëanshëm në favor të Izraelit”, tha Abbas.
Erdogan
“I ftoj të gjitha kombet që e vlerësojnë ligjin ndërkombëtar dhe drejtësinë.
Ta njohin Jeruzalemin si kryeqytetin e pushtuar të shtetit palestinez.
Ata që luftojnë me miqtë e tyre harrojnë të luftojnë armiqtë. Neve na lipset një zgjidhje diplomatike.
Duhet t’ia ndalojnë Izraelit gllabërimin e tokës palestineze nga dita në ditë.
Dhe nuk duhet t’i pranojmë politikat e sjelljen që ai na afishon përditë”, tha Erdogan.
Samiti
Ftesa për këtë samit iu dërgua të gjithë Kryeministrave dhe ministrave të Punëve të Jashtme të vendeve anëtare të organizatës.
Shqipëria është anëtare e Organizatës së Bashkëpunimit Islamik që prej vitit 1992.
Shtetet anëtare u kërkuan vendeve të tjera që të njohin shtetin e Palestinës dhe Jeruzalemin Lindor, si kryeqytetin e tij të pushtuar.
Izraelitët e pushtuan Jeruzalemin në vitin 1967.
Por, sovraniteti i Izraelit mbi Jeruzalemin nuk u njoh asnjëherë ndërkombëtarisht.
Dhe për këtë arsye, të gjitha vendet i kanë ambasadat në Tel Aviv.
