Ka kaluar më shumë se një muaj që kryeministri Rama ka lenë në tryezën e Presidentit Ilir Meta, propozimin për të dekretuar, kryetarin e ri të SHISH.
Kryetari i ri i SHISH është ende pa u dekretuar.
Emri i ofruar nga Rama është ai i Helidon Bendos, nënkryetar aktual i shërbimit sekret shqiptar, si pasues i Visho Ajazit.
Visho Ajazi dha dorëheqjen në fillim të muajit Nëntor.
Ai u propozua nga kryeministri kohët e fundit, si ambasador pranë NATO, shkruan syri.net.
Faktikisht kushtetuta nuk i përcakton afat presidentit, për të dekretuar apo jo, propozimin e kryeministrit për këtë post.
Pikërisht për këtë vonesë presidenti është pyetur sot gjatë konferencës së përbashkët me homologun e Malit të Zi, Filip Vujanoviç.
Duhet të kemi në konsideratë që një vendimmarrje e tillë është e rëndësishme.
Presidenti duhet të jetë i bindur se një vendimmarrje përfundimtare forcon pavarësinë dhe efikasitetin e një institucioni kaq të rëndësishëm të sigurisë kombëtare”, deklaroi Meta për këtë çështje.
www.lajm-shqip.com
