Fenomeni i blerjes së votave vazhdon ende të jetë një shqetësim për klasën politike dhe proçesin zgjedhor. E ftuar në emisionin Opinion, kryetarja e Lëvizjes Socialiste për Integrim Monika Kryemadhi, iu është përgjigjur akuzave të kreut të qeverisë teksa akuzon LSI-në për blerje të votave.
Kryemadhi ka hedhur poshtë këto akuza duke thënë se nuk ka një raport nga OSBE-ja që e vërteton këtë gjë.
Ajo tha se për herë të parë në histori prokuroria shqiptare çertifikon përgjimin e zyrtarëve për blerjen e votave me ndihmën e krimit.
Pjesë nga deklarata:
“Nuk ka asnjë denoncim të PS-së ndaj LSI as dhe të ndonjë partie tjetër ndaj LSI, për shitblerje vote. Mos harroni që për herë të parë në histori, prokuroria shqiptare çertefikon në përgjime zyrtare përdorimin e bandave të krimit të organizuar në blerjen e votave në favor të partisë që është në pushtet.Kemi ardhur në këtë moment, që opozita shqiptare për të mos vendosur përballë konfliktit shqiptarët, opozita morri një vendim ekstrem që ndan konfliktin social dhe konfliktin fizik midis njerëzve”, theksoi më tej Kryemadhi.
Visar Quni
06.03.2019
