Kryebashkiaku i Elbasanit merr reth vetes këshilltarë ekonomikë, duket se kreu i Bashkisë së Elbasanit po rivlerëson problemet ekonomike të qytetit.
Të ngjashme mund të lexoni:
Kjo ka qenë, si duket arsyeja e ngritjes së një forumi të ri. Ka qenë mbledhja e fundit e Këshillit Bashkiak ajo, që i ka dhënë viston një grupi specialistësh.
Bëhet fjalë për këshilltarë ekonomikë, pranë postit të kreut të Bashkisë.
Me vota unanime miratohet këshilli ekonomik pranë kryetarit të Bashkisë. Realisht, ka qenë një ide e hershme e kryetarit të Bashkisë, por edhe një rekomnadim i USAID.
Ky i fundit ka kërkuar që pranë komisionit të ekonomisë të shtoheshin edhe persona që janë specialist në fushën ekonomike.
Kreu aktual i komisonit të ekonomisë në Këshillin Bashkiak, Albert Shopi ka deklaruar për “Lajm-Shqip”: – “Pranë kryetarit të Bashkisë do të ngrihet këshilli ekonomik.
Janë përcaktuar kriteret dhe detyrat e anëtarëve.
Kopetencën për të caktuar emrat, në bazë të kritereve e ka kryetari i Bashkisë.
Ne propozojmë të miratohet. Ndërkohë, Kryetari i bashkisë dha një “OK” të tijën për këtë komision.
– “Unë dua ta zgjeroj dhe të zgjidh njerëz me diapazon më të gjerë, që të më shërbejë mua dhe së pari qytetit.
Dhe kërkoj që nga 9 numri i anëtarëve të bëhet 11”, – ka deklaruar, Qazim Sejdini.
Kësisojë, besohet se problemet ekonomike në këtë qytet do të kenë tjetër kahje.
Për Lajm-shqip
Alfrida Danushi
