Kryebashkiaku i Belshit është kërcënuar me armë.
Të ngjashme, mund të lexoni:
• FOTO EKSKLUZIVE/ Ambasadori Amerikan në Korcë me kryebashkiakun Sotiraq Filo
• Basha: Mashat e Ramës, kryebashkiakun dhe…
Ngjarje e jashtëzakonshme në Belsh të qarkut të Elbasanit. Kryetari i bashkisë është kërcënuar me armë në këmbim të faljes së tij për 300 mijë euro. Lajmi i emetuar në mesditë, zyrtarizohet nga policia e Elbasanit.
Sipas njoftimit zyrtar, bëhet e ditur se më datë 31.10.2017, rreth orës 09:30, në Stacionin e Policisë Belsh është paraqitur dhe ka bërë kallëzim shtetasi A.T, 49 vjeç, me detyrë Kryebashkiaku i Belshit.
Në datë 30.10.2017, rreth orës 12:00 në aksin rrugor Belsh – Pajovë në vendin e quajtur “Fusha e bardhë”, R.T., 31 vjeç banues në Elbasan për shkak të detyrës e ka kanosur me armë duke i kërkuar 300.000 Euro dhe një pjesë toke. Në këtë pjesë toke ishte planifikuar të bëhej godina e re e Bashkisë Belsh.
I njëjti burim saktëson se R.T., në vitin 2016 në Belsh –Qendër, i është prishur lokali i familjes se tij nga ana e Bashkisë. Kjo pasi lokali ishte përfshirë në objektet që do prisheshin në zbatim të planit urbanistik të qytetit.
Policia menjëherë pas marrjes së kallzimit nga Kryetari i Bashkisë ka bërë kapjen dhe shoqërimin në Stacionin e Policisë Belsh të shtetasit R.T. Aty është bërë edhe sqarimi i mëtejshëm i rrethanave të ngjarjes.
Nga ana e Specialistëve për Hetimin e Krimit u kryen veprimet e para hetimore.. Materialet do të referohen pranë Prokurorisë së Rrethit Gjyqësor Elbasan për veprën penale të “Kanosjes për shkak të detyrës” .
Kreu i Bashkisë Belsh, Arif Tafani, shënon të parin kryebashkiak në këtë qark që kërcënohet me armë për të vrarë , nëse kërcënuesit nuk i jepen 300 mijë euro.
Për Lajm-Shqip
Alfrida Danushi
