Kryebashkiakia e Gjirokastrës, Zamira Rami kthehet nga një vizitë pune në Amerikë. Kryetaria e Bashkisë së Gjirokastrës Zamira Rami, ka zhvilluar një vizitë në SHBA. Ajo ka qenë pjesë e një delegacioni prej 13 drejtuesish vendorë nga e gjithë Shqipëria.
Kryebashkiakia e Gjirokastrës, zonja Rami, kthehet nga një vizitë pune në Amerikë.
Zonja Rami si dhe 12 kryetarët e bashkive në vend kishin ftesë për pjesmarrje nga Qendra “Open Gov Hub” me qendër në Arlington të Virxhinias. Prezenca e zonjës Rami në Arlington të Virxhinias kishte për qëllim pjesmarrjen në një trajnim studimor unik. Për të mësuar format dhe mënyrat sesi t’i bëjnë qeveritë e tyre më të hapura. Më afër qytetarëve apo dhe llogaridhënien para zgjedhësve.
Vizita është bashkëorganizuar dhe bashkëplanifikuar me Shoqatën e Bashkive të Shqipërisë. Shoqata që përfaqëson të 61 njësitë vendore, ka shërbyer për t’u ofruar drejtuesve të njësive vendore mundësi për trajnim, rrjetëzim dhe zhvillim. Delegacioni i kryetarëve të bashkive nga Shqipëria, ka marrë pjesë në një seri eventesh. Takime dhe trajnime janë zhvilluar prej datave 21-25 mars. Takimet kanë pasur në fokus reformat e ndërmarra nga qeveria e Washington D.C. (Bashkia e Washingtonit). Për Lajm -Shqip zonja Rami shprehet se kjo vizitë në SHBA, ka shërbyer mjaft, pasi eksperienca amerikane për qeverisjen vendore është shembull për t’u mare shembull citon kryebashkiakja Zamira Rami.
Për Lajm-Shqip
Vladimir Muçaj
