Durrësi, porti më i madh i vendit tonë, tashmë joshet nga kroçera dhe jahtet tuiristikë.
Ky qytet ka kohë, që ka hyrë në axhendat turistike të guidave ndërkombëtare.
Porti i Durrësit vizitohet nga kroçera dhe jahte turistikë.
Madje konsiderohet, edhe si destinacioni më i vizitueshëm nga mjetet luksoze të lundrimit.
Kjo vihet re nga statistikat, që pasurohen nga viti në vit me një numër të lartë të ndalimit në port të jahteve dhe kroçerave.
Gjatë vitit 2017-të, në portin e Durrësit janë ankoruar 9 kroçera dhe 294 jahte turistike.
Ndërsa numri i kroçerave gjatë vitit të kaluar ka qenë gati i barabartë me vitin 2016-të.
Jahtet që kanë zgjedhur portin më të madh të vendit tonë, kanë qenë shumë më tepër në numër se sa një vit më parë.
Nga Sektori i Statistikave, APD, mësohet se në Durrës gjatë vitit 2017-të, si asnjëherë më parë është ankoruar një numër i madh jahtesh me gjatësi nga 30-100 metra.
Ndër të tjera mësohet se gjithashtu në muajt korrik, gusht e shtator 2017-të, numri i jahteve, që kanë preferuar portin e Durrësit, arrin në 159.
Ndërsa vetëm në gusht, janë regjistruar 71 hyrje, më shumë se në çdo muaj tjetër të vitit.
Koha e qëndrimit të jahteve turistike në kalatat 1-5 të Termnalit perëndimor, shkon deri në një javë.
Përvec shërbimeve portuale, turistët dhe drejtuesit e jahteve, kanë vizituar qëndrat arkeologjike të qytetit të Durrësit.
Për lajm-shqip
Silvi Feimi
