Krim i rëndë në familjen kuksiane, i moshuari vret gruan me sëpatë
Një krim në familje ka ndodhur mbrëmjen e së mërkurës në Kukës, ku burri ka vrarë me sëpatë gruan e tij.
Ngjarja e rënda ka ndodhur në fshatin Borie dhe sipas policisë autori dyshohet se është 76 vjeçari Adem Tale. Mësohet se menjëherë pas krimit autori, babai i 6 fëmijeve është larguar nga vendi i ngjarjes. Nuk dihen ende motivet e këtij krimi, ndërsa policia është vënë në ndjekje të autorit të dyshuar.
Njoftimi i policisë
Më datën 04.04.2018, në orën 23:16, në fshatin Borje, shtetasi A.T., 75 vjeç, dyshohet se në banesë ka vrarë me mjete të forta, bashkëshorten e tij, shtetasen Z.T, 68 vjeçe.
Autori i dyshuar shtetasi A.T., pasi ka kryer krimin është larguar. Nga hetimet paraprake dyshohet se ngjarja ka ndodhur për motive të dobëta. Policia po bën krehjen e zonës me qëllim kapjen e autorit.
Krim i rëndë në familjen kuksiane, i moshuari vret gruan me sëpatë
Në vendin e ngjarjes ndodhet grupi hetimor ku po punojnë për zbardhjen e plotë të rrethanave të ngjarjes.
Për lajm-shqip:
Jorida Fataj
