Krerët e policive në tre shtete takohen në Tiranë – Lufta kundër korrupsionit
U zhvillua sot në Tiranë takimi i radhës 3 palësh ndërmjet Drejtuesve të Strukturave Kundër Terrorizimit të Policisë së Shtetit të Shqipërisë, Italisë dhe Kosovës.
Takimi u zhvillua në kuadër të vlerësimit të kërcënimeve aktuale terroriste në vendet tona, rajon e më gjerë. Ai synon koordinimin e masave dhe forcimin e bashkëpunimit për parandalimin e goditjen në kohë të çdo veprimtarie terroriste.
Takimin e përshëndeti Drejtori i Përgjithshëm i Policisë së Shtetit Haki Çako. Ai falënderoi të pranishmit dhe i siguroi ata për mbështetje pa asnjë rezervë në shkëmbimin e shpejtë të informacionit. Gjithashtu siguroi mbështetje edhe në veprime të tjera në planin operacional e hetimor.
Çako vlerësoi punën e bërë dhe rezultatet e arritura në parandalimin, hetimin dhe goditjen e veprimtarive terroriste në Shqipëri, Itali e Kosovë. Arritje e cila pa dyshim ka ardhur si rezultat i vullnetit që qeveritë respektive kanë për t’iu përgjigjur sfidave e mbështetur këto struktura ndaj çdo kërcënimi terrorist.
Më pas krerët e policive diskutuan në nivel teknik për problematika të veçanta në ndjekje.
Gjithashtu disktuan domosdoshmërinë për forcimin e bashkëpunimit në nivel operacional dhe shkëmbimi i informacionit. Kjo për rastet kur ka të dhëna për veprimtari radikale/terroriste në të tre vendet.
Burimi: Lapsi.al
18.11.2017
