‘Korpusit të Paqes’ miqësi e solidaritet Shqipëri-SHBA.
Prej sot në të gjithë territorin e Shqipërisë nisën të shpërndahen 54 vullnetarë të rinj të ‘Korpusit të Paqes’ të SHBA. Miqësi e solidaritet midis Shqipëri-SHBA. Programi i Korpusit të Paqes në Shqipëri është fokusuar në partneritetin me sistemin shkollor, organizatat e shoqërisë civile dhe pushtetin vendor.
“Peace Corps” është agjensi amerikane që nëpërmjet vullnetarëve amerikanë kontribon për paqen, solidaritetin dhe miqësinë në botë.
Kjo organizatë është themeliar në vitin 1961 nga ish-presidenti amerikan Xhon Kenedi.
Grupi aktual i vullnetarëve përfaqëson një diversitet të plotë të kulturës dhe traditës amerikane, nga raca, kultura, profesionet dhe mosha.
Përpara fillimit të bashkëpunimit me institucionet në terren, grupi u trainua 2-muaj për gjuhën dhe kulturën shqiptare në Elbasan.
Dy ditët e fundit në Tiranë u mbajt Konferenca e Kolegëve Shqiptarë, gjatë së cilës u realizua edhe njohja reciproke.
Gjatë konferencës partnerët e ardhur nga institucionet pritëse u njohën me filozofinë dhe kontributet e “Peace Corps” në Shqipëri.
Vullnetarët amerikanë në këto 25-vjet të prezencës në Shqipëri kanë shënuar histori suksesi dhe kontributi me komunitetet në Shqipëri.
Drejtoresha e Korpusit të Paqes në Shqipëri Kate Becker thotë se aktet e mikpritjes shqiptare janë mbresa të pashlyera. “Vullnetarëve amerikanë u ofrohet mirësi dhe bujari nga shqiptarët në veprimtarinë e përditëshme. Ky është një përfitim i madh reciprok dhe dëshmi e qartë e respektit të tyre për këra djem e vajza dhe vetë SHBA. Filozofia jonë është shkëmbimi i vlerave kulturore reciproke”, thotë Zonja Kate Becker.
“Një amerikan, ka shumë pak mënyra që mund të jetojë për dy vjet në vende të tilla si Shqipëria. Vend me peisazh dhe kulturë orgjinale. E kosideroj veten me fat veten që mu dha kjo mundësi”. Kështu shprehet vullnetari Andrew Craig, që do të shërbejë për dy vjet në bashkinë e Gjirokastrës.
“Konferenca e Kolegëve i shërbeu njohjes reciproke mes personave që do të bashkëpunojnë ngushtë për dy vjet në gjithë Shqipërinë”. Shprehet Diana Djaloshi, pjestare e statit të Zyrës së Korpusit të Paqes në Shqipëri.
Pas betimit në Rezidencës së Ambasadorit të SHBA Donald Lu, vullnetarët dhe kolegët shqiptarë do të shpërndahen drejt zonave.
Për Lajm-shqip
Engjëll Serjani
