Vjedhja e tre bizneseve në Korçë ka vënë në lëvizje gjithë blutë e qytetit. Grabitësit i bëjnë spektakël policisë së qytetit, duke bërë që situata të dalë nga kontrolli.
Në Korçë grabitësit shkaktojnë panik te qytetarët dhe i bëjnë spektakël policisë së qytetit.
Vjedhjet dhe grabitjet e shënuara përgjatë muajve të fundit kanë shkaktuar panik tek qytetarët. Një situatë e dalë jashtë kontrollit ndërsa burime pranë policisë thonë se hajdutët dyshohen nga qytete të tjera. Të specifikuar dhe mjaft profesionistë pasi edhe veprimet gjatë vjedhjes të çojnë në përfundimin e profesionistëve. Gjatë ditës se sotme grupi hetimor ka zbuluar disa shënja gishtash. Dyshimet e policisë janë për hajdutët, por nuk përjashohet mundësia e shënjave të punëtorëve.
Hetimet vijojnë ndërsa thuhet se është tepër e vështirë zbulimi i hajdutëve. Provat e mbledhura nga grupi hetimor duket se do të çojnë në identifikimin e autorëve. Për të shmangur pasaktësitë policia ka kërkuar shënjat e gishtave te punonjësve. Kjo për të mos i ngatërruar ato me grabitësit agresor. Ndërkaq në anën tjetër janë marrë të gjitha kamerat e sigurisë të bizneseve të zonës. Konkretisht, kamerat që operojnë përgjatë autostradës nga Cifligu deri në Kapshticë. Për të parë nëse në orët kur kanë ndodhur ngjarjet ka pasur lëvizje të mjeteve të dyshimta. Tre ngjarjet e mëngjesit të djeshëm tronditën Korçën duke shkaktuar panik tek qytetarët. Janë me dhjetra vjedhje te regjistruara ndërsa ende asnjë autor. Duket se grabitësit janë më të specifikuar se policia pasi kjo e fundit nuk ka kapur asnjë prej tyre.
Për Lajm-Shqip
Ledjona Xheladinaj
