Qarku i Korçës është zgjuar sot i mbuluar nga dëbora.
Dëbora mbulon Korçën.
I gjithë qarku juglindor mbulohet nga bora ndërsa janë shfaqur edhe problemet e para në qarkullimin e automjeteve.
Rreshjet intensive te borës të rëna përgjatë orëve të natës kanë bërë që trashësia e borës të arrijë deri 25 cm në fshatin turistik të Dardhës dhe në qafën e Qarrit.
Ne segmentin Qafthanë-Kapshticë bora arrin 8-10 cm.
Akset Korçë-Dardhë, Korçë-Voskopojë, Korçë -Ersekë janë të kalueshme me zinxhirë.
Aksi Qafthane-Kapshtice pjesërisht me zinxhirë.
Përsa i përket furnizimit me energji elektrike deri ne këto momente nuk ka probleme në zonat e thella apo më tej.
Po punohet për kriposjen dhe pastrimin e rrugëve për të shmangur problemet dhe bllokimet në akse.
Ndërsa në Qafë Plloçë policia nuk lejon qarkullimin e automjeteve pa zinxhirë.
Janë krijuar radhë të gjata në Qafë-Pllocë pasi policia nuk lejon lëvizjen e automjeteve pa zinxhirë.
Për lajm-shqip
Ledjona Xheladinaj
