Konsullata kineze në qytetin bregdetar pakistanez të Karaçit zgjohet me bilanc… Një ngjarje e rëndë ka ndodhur mëngjesin e sotëm në konsullatën kineze në qytetin bregdetar pakistanez të Karaçit. Dy policë janë vrarë dhe një roje sigurie ka mbetur i plagosur si pasojë e një sulmi. Policia bën me dije se të shtënat u dëgjuan rreth orës 09:30 sipas orës lokale jashtë konsullatës në zonën e lartë të Clifton.
Konsullata kineze në qytetin bregdetar pakistanez të Karaçit zgjohet me bilanc…
Katër persona të armatosur u përpoqën të hynin në konsullatë por u ndaluan nga rojet e sigurisë në një pikë kontrolli. Raportohet se nga shpërthimi i zjarrit u vranë tre sulmues. Policia vuri perimetrin e sigurisë, ndërsa i gjithë personeli brenda konsullatës është i sigurt, thanë mediat lokale, raporton BBC. Paraprakisht thuhet se një grup separatist nga krahina e Balochistanit ka kryer sulmin. Balochistan, provinca më e varfër e Pakistanit, është në qendër të një projekti të madh investimi kinez.
Për lajm-shqip:
Erjona Keta
23.11.2018