Prej tre muajsh, Xhensila Myrtezaj dhe bashkëshorti i saj, humoristi i njohur Bes Kallaku, janë bërë prindër të vogëlushes së tyre Ajka. Në rolin e një nëne të re, Xhensila po kalon disa muaj të lodhshëm të mbushur me pagjumësi, sikurse mund të pohojnë të gjitha nënat. Mirëpo, në një foto të postuar në paraditen e sotme në profilin e saj personal në “Instagram”, Xhensila paraqitet më e bukur dhe më në formë se kurrë më parë.
Kjo është fytyra e vërtetë e Xhensila Myrtezajt
E porsazgjuar, pa make-up, me flokë të pakrehur dhe me një vështrim të drejtuar ndanë xhamit të dritares së dhomës së gjumit, Myrtezaj shfaqet tërësisht natyrale dhe plot hijeshi.
E bija, Ajka, është fryt i dashurisë disavjeçare të Xhensilës me Kallakun, i cili vazhdon të jetë një ndër komedianët më të dashur për publikun shqiptar.
Për lajm-shqip:
Kristi Kaba
16.10.2018
