Kishte ngritur jetimore në Shqipëri, akuzohet për abuzime seksuale pedofili anglez …
66 -vjeçari anglez John David Brown, i dënuar për abuzime seksuale me të mitur në një jetimore në Shqipëri, mund të fitojë lirinë. Ai ka pretenduar se është plotësisht i pafajshëm.
Gjithashtu ai ka shtuar se të gjitha këto akuza i janë bërë ngaqë kanë dashur t’i mbyllin atij fondacionin që kishte ngritur në Shqipëri.
Kanë kaluar më shumë se 11 vite në qeli, i dënuar me akuzën e marrëdhënieve seksuale dhe homoseksuale me të mitur. Dënimin ndaj tij e konsideron të padrejtë dhe ka shpresë se një ditë dosja e tij do të rihapet.
Anglezi ka arritur të mësojë edhe gjuhën shqipe në qeli. Ai madje është shprehur se ka shpresë se një ditë ai do të shpallet i pafajshëm, duke u vënë në vend drejtësia e munguar.
“Sunday Mail” zbuloi vitin e kaluar se si akuzat e David Brown kërkoi apelimin e masës së sigurisë.
Anglezi sipas mediave të huaja, i burgosur me 20 vjet për abuzimin e fëmijëve në një jetimore në Shqipëri mund të mësojë nesër nëse ai do të lirohet.
Brown po përpiqet që të fitojë lirinë me kusht nëpërmjet avokates së tij që po e mbron Gjystina Golloshi, e cila është shprehur para mediave:
“Bazuar në ligjin shqiptar, ai ka përfunduar tashmë një dënim të mjaftueshëm. Ai ka të drejtë të bëjë kërkesë për t’u lënë i lirë me kusht. Nuk e di me siguri kur ai mund të lirohet dhe nuk ka asnjë mundësi që ai të lirohet menjëherë. Por shpresa jonë është që kjo gjykatë të shqyrtojë kërkesën dhe unë pres që gjërat të ndodhin së shpejti. Ka mundësi që ai të lirohet këtë vit. Sjellja e tij në burg ka qenë shumë e mirë. Ai ka përmbushur të gjitha kushtet e kërkuara prej tij.
Davidi nuk është i lumtur duke pritur që drejtësia të ndodhë. Ai do të preferonte që të jepte dëshminë e tij në gjykatë për të provuar se ai është i pafajshëm, por që është refuzuar”.
“Mail Sunday Mail” zbuloi vitin e kaluar, se dy personat që dëshmuan kundër tij kanë kërkuar që të ndryshojnë dëshmi.
Ata pretendojnë se policia dhe një psikolog i detyruan të gënjenin rreth Brownit. Andon Qoshli, 23 vjeç, tha se Brown është i pafajshëm. Ndërsa Denis Aliu, 19 vjeç, tha se atij i ishin ofruar para për të dëshmuar ashtu siç edhe dëshmoi.
Gjykatësi Arben Micko tha: “Provat e tilla mund të merren vetëm gjatë hetimit”. Brown, nga Edinburgu, punoi me fëmijët për 35 vjet në Skoci dhe ishte kryetar i Panelit për Fëmijë.
Ai fluturoi në Shqipëri në vitin 2000 për të ndihmuar refugjatët që iknin nga Kosova fqinje e shkatërruar nga lufta, para se të krijonin jetimoren.
Dhjetë djem, të moshës nga katër deri në 13 vjeç, i thanë policisë se ata ishin abuzuar seksualisht nga një ose më shumë britanikë në jetimore në vitin 2006.
Kishte ngritur jetimore në Shqipëri, akuzohet për abuzime seksuale pedofili anglez …
Në disa raste, fëmijët pohonin se ishin lidhur dhe prangosur në një ballkon dhe më pas ishin përdhunuar.
Ish kolegët e Brown, ish-infermierja Dino Christodoulou, 52 vjeçe dhe pedofil Robin Arnold, 63 vjeç, morën dënime me nga 20 vjet dhe 15 vjet respektivisht.
Të dy u transferuan në burgjet angleze për t’i shërbyer dënimet e tyre. Brown, i cili gjithmonë ka mbajtur pafajësinë e tij, u dënua me 20 vjet, por ka mbetur në Shqipëri për të luftuar për të pastruar emrin e tij.
Për lajm-shqip:
Jorida Fataj
