Kërcënoi për vetëvrasje në majë të kullës, përfundon në spital
Të ngjashme mund të lexoni:
Në emër të pronës tenton vetëvrasjen
Burri nga Lezha tenton vetëvrasjen
Vajza çudit në Kavajë, denoncon të fejuarin: Ai më përdhunoi!
Pas rreth nëntë orësh, ka zbritur nga kulla e TEC-it në Kuçovë Elona Bregu, gruaja e cila kërcënonte se do të hidhej nga lartësia.
32-vjeçarja ka zbritur pas negociatave me efektivët e policisë dhe psikologë. Ajo është transportuar në spital pasi ndodhej në gjendje jo të mirë shëndetësore.
Burime të sigurta nga Policia lokale deklaruan se shkak i hipjes në kullës e TEC-it ka qenë ndryshimi i turnit të punës. Mësohet se Elona Bregu punonte si pastruese.
Sipas urdhrit të ri duhet të punonte natën, në pastrimin e rrugëve të qytetit naftëtar. Pikërisht me këtë nuk ishte dakord nëna e dy fëmijëve, që ndërmori veprimin ekstrem. Këtë e konfirmoi edhe kryetari i Bashkisë së Kuçovës Selfo Kapllani, i cili tha se Elona Bregu nuk ishte pushuar nga puna.
Elona Bregu është e martuar dhe ka dy fëmijë. Para 10 vjetësh, edhe bashkëshorti i saj veproi po njësoj: Kërcënoi se do të hidhej nga e njëjta kullë. Fqinjët tregojnë se familja e saj jeton në varfëri dhe bashkëshorti i 32-vjeçares vuan nga sëmundje mendore.
Disa vite më parë, të dy, burrë e grua, braktisën dy fëmijët e mitur para portës së bashkisë me argumentin se nuk kishin mundësi që ti ushqenin. Fëmijët u çuan në një jetimore në Elbasan, ndërsa më vonë, çifti i rimori sërish në shtëpi.
02/11/2017
Burimi: Syri.net
