Teksa Kosova digjej nga serbi, kënga tallava apo zhenëra të tjerë nuk pushuan në Kosovë.
Teksa kosovarët vriteshin e burgoseshin nga çjetnikët serbë jo pak këngëtarë e muzikantë në këtë tokë e vend shqiptar bënin llogaritë e fitimeve me ahengjet e tyre.
Mësohet një fakt interesant në këtë tokë të zhuritur.
Është këngëtari kosovar nga Gjakova Shkëlzen Jetishi, që me pohimin e tij, të jep emocione dhe krenari.
Këngëtari është modest në të treguar por në një intervistë të gjatë kohë më parë ne media , si “pa dashje” ka pohuar një qëndrim të tijin.
“ Unë nuk kam kënduar për tri vite rresht. Nuk më dilte zëri e nuk mund të ngjitesha në skenë. Si mund të këndoja, kur vëllezërit e mi vriteshin në mënyrën më barbare nga serbët ?
Si mund të luaja muzikë, kur nënat tona i shihja shamizeza e motrat tona ishin fshehur në male për të mos rënë në duar të serbëve? Ndaj unë mbajta zi për tri vite rresht.
Kosova ishte në luftë dhe nuk ishte koha për këngë e valle. Unë nuk këndova për qindra kosovarë që ranë dëshmorë për lirinë e Kosovës. Kur fituam lirinë sikur më erdhi zëri dhë dëshira për këngë.
Tashmë në repertorin tim janë shtuar edhe këngët e trimërisë dhe ato, kushtuar heronjëve të kësaj lufte” – ka deklaruar këngëtari i njohur Shkelzen Jetishi.
Sot , Xeni kështu i thërrasin shkurt ka grupin e tij që bën për vete miejra zemra shqiptare me këngën e bukur shqipe.
Madje edhe djali i tij është në rrugën e të atit. Këndon bukur si ai. Xenin , zor se e takon. Ai ftohet nga dhjetra qytete në Shqipëri e Kosovë, për të interpetuar këngën e bukur popullore qytetare. Madje është mjaft i kërkuar edhe nga Diaspora.
Tashmë me Kosovën e Lire dhe shtet më vete , duket sikur zëri i këtij këngëtari është më i ngrohte. Zia për të ka mbaruar …Ai gjithmonë ka këndruar dhe këndon vetëm Live…
Për Lajm-shqip
Alfrida Danushi
