Katy Perry “feston” divorcin

Katy Perry po organizon një “divorce party” që të mos ndihet e trishtuar dhe e mërzitur. Këngëtarja është ndarë nga aktori Russell Brand në fund të vitit të kaluar, ndërsa divorci është finalizuar pak javë më parë. Për të mos u ndjerë e mërzitur, këngëtarja ka vendosur që të organizojë një festë, pikërisht në ditën që do të përkonte me përvjetorin e dytë të martesës.
“Katy është e trembur nga ideja që po afron 23 tetori dhe ka menduar disa mënyra se si ta transformojë këtë datë në diçka pozitive. Dy ditë më pas ajo do të ketë datëlindjen dhe e vetmja gjë që do është të mos jetë e mërzitur ato ditë. Miqtë e kanë këshilluar të organizojë një festë të madhe ose të shkojë disa ditë në Las Vegas, e në fund ajo ka vendosur të bëjë një festë në shtëpi”, ka thënë një burim për “Sun”. Në datën 25 tetor, Perry mbush 28 vjeç.
1 tetor 2012
Burimi: Gazeta Shqip