Karriera e Kristen Stewart mund të jetë në rrezik. Ditët e fundit, protagonistja e sagës së Twilight ka qenë në qendër të kronikave rozë për shkak të “historisë” që ka pasur me regjisorin Rupert Sanders, çka shkaktoi edhe prishjen e marrëdhënies me Robert Pattinson, që dukej serioze për shkak të jetëgjatësisë. Pattinson duket tepër i inatosur dhe mendohet se fansat e tij do “të hakmerren”. Sipas fjalëve, fanset e vampirit të bukur kanë kërcënuar se do të braktisin të gjithë filmat ku do të shfaqet ajo që i theu zemrën Robertit. “Për momentin Kristen Stewart është gruaja më e urryer në Hollywood. Publiku femëror priste prej kohësh një arsye për të mos e pëlqyer. E tani e ka gjetur. Pjesa më e parë e “ushtrisë Pattinsoniane” tani e tutje do të braktisë sallat e kinemave kur të shfaqen filmat e saj. Do i duhet një kohë e gjatë për ti rikthyer gjërat siç ishin më parë, si në aspektin personal, por edhe profesional”, ka thënë një burim për gazetën “Sun”.
02.08.2012
Burimi: Gazeta Shqip
