Kapshticë, kapet sasi e frikshme droge 37,3 kg drogë janë kapur në kufirin Shqiptaro-Grek. Droga u zbulua në Pikën e Kalimit Kufitar të Kapshticës.
Kapshticë, kapet një sasi e frikshme droge, po transportohej me automjet.
Droga po transportohej drejt shtetit grek me një automjet të vogël. Policia kapi dhe arrestoi dy persona të cilët po lëviznin me mjetin ku ishte droga.
Sasia e konsiderueshme u kap në dalje të Shqipërisë gjatë kontrollit rutinë të ushtruar nga punonjësit e kufirit. Sipas të dhënave ajo ishte fshehur në automjetin tip “Reno” me targa AA279 TX. Automjeti ishte në pronësi të shtetasit Eldion Çami.
Policia bëri me dije se pas zbulimit të drogës u arrestuan dy persona, njëri prej të cilëve vetë pronari i mjetit.
Të arrestuarit janë Jani Kora, 46 vjeç, banues në Moravë-Korçë dhe Eldion Çami, 35 vjeç, banues Vloçisht-Maliq. Policia po punon për zbulimin e detajeve të mëtejshme për këtë rast.
