Kapoja i një organizate për trafikimin e sasive të mëdha të kokainës kapet në qytetin e Elbasanit. Sipas burimeve zyrtare të policisë lokale, bëhet e ditur se Specialistët e Sektorit për Hetimin e Narkotikëve dhe Trafiqeve të Paligjshme në Drejtorinë Vendore të Policisë Elbasan, në bashkëpunim me Interpol Tirana dhe FNSH-në, kanë kapur dhe ndaluar një person të shpallur në kërkim ndërkombëtar.
Kapoja i kokainës u kap dhe u ndalua me qëllim ekstradimi drejt Italisë.
Besnik ÇAPJA, (alias Besnik BYLYKU, Kliton PRIFTI) 40 vjeç, lindur dhe banues në Elbasan. Ai është prezantuar me emër të dyfishtë. Ai mbahej nën vëzhgim nga Specialistët për Hetimin e Narkotikëve në D.V.P., Elbasan. Burimi zyrtar sqaron se kapja e këtij shtetasi u bë në një lloto sporti në rrugën “Rinia”, në lagjen “Visarion Xhuvani”, Elbasan.
Mësohet se ky person, më datë 28.11.2017, ishte shpallur në kërkim ndërkombëtar, nga Interpol Roma, Itali. Autoritetet Gjyqësore në Torino, Itali, me vendim nr. SIEP 431/2017, datë 01.06.2017 e kanë dënuar me 6 vjet e 4 muaj burgim, për kryerjen e veprës penale të “Pjesëmarrjes në Organizatë kriminale me qëllim trafikimin e lëndëve narkotike”.
Gjatë periudhës 01.06.2011 deri në 16.11.2011, në Torino, Santena, ky person, sipas burimeve të policisë italiane, ka qenë në cilësinë e anëtarit të organizatës kriminale me qëllim trafikimin e sasive të mëdha të drogës, të llojit kokainë.
Ndërkohë, konfirmohet se i ndaluari Besnik Çapja, për qëllime ekstradimi në shtetin Italian, nuk ka asnjë lidhje farefisnore me admintratorët e resorti “Univers” në periferi të qytetit të Elbasanit. Edhe pse kanë të njëjtin mbiermër me të ndaluarin për trafikim ndërkombëtar të kokakinës.
Për Lajm-Shqip
A.D.
