Ministri Xhafaj ka përgëzuar sot Policinë e shtetit për kapjen e 613 kg kokainë në Durrës.
Ministri ka vlerësuar ruajtjen e konfidencialitetit të operacionit dhe i ka kërkuar policisë t’i shkojë kësaj ngjarjeje deri në fund.
Sasia prej 613 kg kokainë vinte nga Kolumbia drejt Portit të Durrësit.
Destinacioni i saj përfundimtar ishte tregu Europian.
Sasia e drogës u kap në kontenierin e një kamioni, pronar i të cilit është Arbër Çekaj.
Droga kishte ardhur si porosi e firmës “Arbri-Garden” me vendndodhje në Maminas të Durrësit.
Në vend të drogës së fshehur duhet të ishin bananet e supozuara si të porositura.
Kokaina e fshehur në kamion ka një vlerë tregu 180 milionë euro.
Kapet sasia më e madhe e kokainës në Durrës, pronari i kamionit…
Janë arrestuar shoferi i kamionit, administrator i firmës, ndërsa pronari i saj Arbër Çekaj është shpallur në kërkim.
Lajmi ka bërë jehonë dhe në mediat amerikane.
Gjigandët amerikanë “Fox News”, “Associated Press” dhe “Washington Post”, kanë shkruar rreth situatës.
Sipas tyre vendi ynë njihej për trafikimin e marijuanës.
Ata kanë vënë në pah faktin se qeveria i ka goditur plantacionet e drogës.
Megjithatë, kapja e vazhdueshme e trafikantëve të drogës tregon se ata vazhdojnë të prodhojnë dhe shesin marijuanë.
Për lajm-shqip:
Klajdi Thaçi
28.02.2018
