Keni dëgjuar se bërja e punëve te shtëpisë i mbron femrat nga kanceri i gjirit? Se disa ushqime luajnë rol mbrojtës? Ja disa faktorë te rëndësishëm mbrojtës sipas shkencëtareve.
Lëvizni me shume
Te gjithë shkencëtaret janë ne te njëjtin mendim kur thonë se aktiviteti fizik parandalon kancerin e gjirit. Një studim britanik konfirmoi kohet e fundit se te besh pune shtëpie 2 ore gjysme ne dite, ul rrezikun. Edhe ecja te paktën 30 minuta është e mire. Beni te paktën njëherë ne jave aktivitet fizik për te ulur me 40% mundësitë për kancer gjiri. Si shpjegohet e gjithë kjo? Lëvizja ul sasinë e estrogjenit dhe përforcon funksionimin imunitar.
Kontrolloni peshën
Ne fakt gjate menopauzës, shtimi ne peshe favorizon tumoret e gjirit. Shume femra shëndoshen për arsye hormonale dhe për shkak te një mungese aktiviteti fizik. Kujdes, mbani ndonjë diete dhe mos e teproni me ushqimet e yndyrshme.
Ja edhe disa faktorë te tjerë qe rrisin mundësitë për kancer gjiri
• Mosha. Sa me shume plakemi aq me shume rritet rreziku. Për këtë arsye qe nga mosha 50 vjeçare e deri ne moshën 74 vjeçare femrat duhet te bëjnë kontrolle 1 here ose 2 here ne vit.
• Puberteti i parakohshëm (ardhja e menstruacioneve para moshes12 vjeçare) dhe një menopauze e vonshme (pas moshës 55 vjeç). Pse? Për shkak se femrat janë me te ekspozuara ndaj hormoneve estrogjene.
• Mospasja e një fëmije deri ne moshën 30 vjeçare. Nga ana tjetër ato nena qe kane me shume fëmije dhe qe i mbajnë ata për me shume kohe ne gji kane shume here me pak rrezik për t’u prekur nga kanceri i gjirit.
• Marrja e hormoneve. Tek disa femra, pilulat qe merren për me shume se 10 vjet dhe trajtimet hormonale për shkak te problemeve me menstruacionet rrisin lehtësisht rrezikun.
• Trashëgimia. Edhe pse është me i rralle kanceri i trashëguar ekziston.
02.10.2012
Burimi: Ikub
Kanceri i gjirit, ja faktoret mbrojtes...