Këngëtarja e njohur shqiptare, Flaka Krelani ka treguar një episod të rrezikshëm nga jeta e vetë, gjatë së cilit është ndjerë mjaft e rrezikuar. Ja si u shpreh Flaka për “Prive” në lidhje me këtë moment.
‘Kam përjetuar vdekjen me sy’, këngëtarja shqiptare rrëfen…
“Gjithmonë kam patur dëshirë që të kërcej ‘dallëndyshe’ në det dhe kam hasur me kokë gurin më të madh që ka ekzistuar aty, por nuk e kam vënë re sepse me shpejtësi të madhe dhe duke qenë shumë entuziaste, nuk e kam hulumtuar atë pjesë. Dmth, ato 3 sekonda, e gjithë ajo pesha shumë e shpejtë në ujë si kam rënë dhe në të njëjtën kohë me atë shtypje, e kam prekur kokën, hundën dhe gjoksin.
Në sekondë mendova se vdiqa, shkova. Por gjatë procedurës që jam zhytur deri te pjesa e gjoksit me u lëndu, kam thënë ngadalë se akoma gjallë jam. Ka qenë një moment që prekem shumë kur e kujtoj dhe them si kam mundur të shpëtoj. Ende i them zotit faleminderit që më ke ndihmuar se përndryshe kam lindur për së dyti. Ka qenë aksidenti më i tmerrshëm që ka mundur të ndodhë ndonjëherë dhe unë kam përjetuar vdekjen me sy, ajo ka qenë”.
Për lajm-shqip:
Klajdi Thaçi
02.10.2018
