Jug-koreanët takojnë njeri-tjetrin pas 70 vjetësh për shkak të…Një grup i jug-koreanëve në moshë ka arritur në Korenë Veriore për të takuar familjarët. Nuk i kanë parë nga koha e Luftës Koreane më 1950-1953. Kjo luftë ka ndarë Gadishullin Korean. Njerëzit që kanë jetuar në pjesën veriore e kanë pasur të pamundur lëvizjen.
Jug-koreanët takojnë njeri-tjetrin pas 70 vjetësh për shkak të…
Të dy Koretë, që teknikisht janë ende në luftë, kanë organizuar bashkime familjare edhe më parë. Mirëpo ky rast përbën ngjarjen e parë në tri vjetët e fundit. Jug-koreanët janë listuar me një zgjedhje rastësore derisa më i vjetri është në moshën 101 vjeçare. Rreth 100 persona janë zgjedhur nga secila anë për të marrë pjesë në këtë organizim. Disa kanë hequr dorë nga pjesëmarrja pasi kanë kuptuar se familjarët që kanë kërkuar t’i shohin, tashmë janë të vdekur. Një grua 92 vjeçare, u ka thënë gazetarëve se ajo do të shohë djalin e saj për herë të parë që nga përfundimi i luftës.
Lee Keum-seom, ka thënë: “Kam humbur lidhjet me djalin kur ai ishte në moshën katërvjeçare, si dhe me burrin tim”. “Kurrë nuk e kam imagjinuar se do të vinte kjo ditë”, ka thënë ajo për agjencinë e lajmeve AFP. “Unë nuk kam pasur njohuri nëse ai është gjallë apo jo”. Personat që do të marrin pjesë do të kalojnë tri ditë në Korenë Veriore. Mund të qëndrojnë me familjarët e tyre vetëm disa orë në ditë apo 11 orë gjithsej. Shumica e takimeve do të jenë nën vëzhgim të rreptë të forcave të sigurisë. Ky organizim, i realizuar me ndihmën e Kryqit të Kuq është rezultat i takimit historik në mes të liderit veri-korean, Kim Jong-un dhe presidentit të Koresë Jugore, Moon Jae-in në kufi mes dy vendeve në muajin prill.
Vladimir Muçaj
20.08.2018
