Duke folur në Konventën e grave demokrate, kryeparlamentarja dhe nënkryetarja e PD, Jozefina Topalli tregoi një detaj interesant nga jeta e saj si politikane në opozitën e vështirë. “Në qershor 1998, gjatë vizitës në Peshkëpi e kisha kallashin tek koka dhe më thanë: mos bë fushatë në Vlorë. Kisha një grua vlonjate pranë, Dorotean, së cilës nuk iu dridh qerpiku.
Ajo ishte forca dhe kurajoja ime në ato momente. Por ky episod është pak se një televizion privat lajmëroi se Topallit i është bërë atentat. Genari (djali) qante dhe thërriste: Mama, mama. Ai deri vonë është rritur me ankthin se mos mamit do i bënin keq. Ky ishte motivi që ne të mos llogarisnim as jetën”. Bluetooth u interesua dhe mësoi se Dorotea Konomi është në fakt askush më pak se e ëma e gazetarit dhe opinionistit të “BB6”, Arjan Konomi.
04.05.2013
Burimi: Balkanweb
