Janë disa vende për të cilat ja vlen të punoni fort e të shkoni t’i vizitoni qoftë edhe njëherë në jetë.
“Nuk jam më e njëjta, pasi kam pare hënën të shkëlqejë në anë të ndryshme të botës” shkruan autorja Mary Anne Radmacher.
Udhëtimet na japin mundësinë të kuptojmë se në jetë ka miliona stile të të jetuarit.
Gjithashtu të kuptojmë se në këtë botë ka mjaft larmishmëri kulturash dhe mungesë kufijsh dhe se ajo çfarë ne dimë për jetën është vetëm e vërteta jonë.
Të japin mundësinë të shkëmbesh, të kuptosh më tepër, të dalësh nga rutina dhe njohësh njerëz të rinj.
Kur kthehesh nga një udhëtim i bukur dhe impresionues ndihesh i ripërtërirë dhe gati për të dhënë më shumë.
Zbukurojeni botën tuaj më tepër duke vizituar këto pesë vende:
1.Giza
E ndodhur në periferi të Kairo-s, Giza është vendi ku ndodhen Piramidat e famshme të saj, dhe “Sfinksi i madh”.
“The Great Pyramid”, një nga tre piramidat kryesore të vendosura në Giza, është një nga shtatë mrekullitë e botës së lashtë.
Është e vetmja që ka mbijetuar deri në ditët e sotme.
Ajo u ndërtua në “Dinastinë e katërt”, rreth vitit 2550 para Krishtit. Ajo ishte ndërtesa më e lartë në botë derisa “Kulla Eiffel” u ngrit më 1889.
2.Rio de Janeiro
I njohur si “Cidade Maravilhosa”, qyteti i mrekullueshëm, Rio ka më tepër se 20 plazhe dhe pejsazhe fantastike, duke përfshirë dhe statujën e shumë fotografuar të “Christ the Redeemer” që mbikqyr qytetin.
Kjo zonë metropolitane me arkitekturë të jashtëzakonshme, muze, galeri dhe restorante ulet në gjirin madhështor të Guanabaras përkundër një sfondi të thyer malesh pyjorë, duke e bërë atë një nga mjediset më mahnitëse në botë.
Në Rio, së bashku me 2 milionë banorë të saj, mund të festoni karnavalet vjetore dhe të dëfreheni nën ritmin e sambas.
Kjo është një atmosferë që zgjat gjithë vitin në këtë vend.
3.Machu Picchu
“Qyteti i humbur” i Inkasve është i vendosur buzë një mali të lartë në Ande.
Një vend kaq i largët, sa nuk arriti të prekej prej shkatërrimit të pushtuesve.
Qëndroi i paprekur deri në zbulimin e tij në vitin 1911.
Machu Picchu është një çudi në disa nivele. Nga bukuria e tij e pamatë deri tek historia magjepsëse.
Jeta juaj ka shkuar dëm nëse vdisni pa vizituar këto 5 vende
4.Parisi
Kulla Eiffel, Katedralja e Notre Dame, Muzeu i Luvrit, Champs-Elysees, Harku i Triumfit e bëjnë Parisin një muze të gjallë arkitekture dhe historie.
Ju mund të shijoni ushqimin në restorante të njohura franceze.
Aty gatuhet dhe shërbehet në mënyrë të përsosur.
Mund të bëni edhe pazar, e të jetoni për disa ditë mes klasit parizien.
5.Ujëvara e Viktorias
Ujëvara Viktoria nuk është as më e gjata dhe as më e gjëra në planet.
Por të kombinuara sëbashku, gjatësi dhe gjerësi, e bëjnë atë më të madhen.
Kjo ujëvarë ka dyfishin e lartësisë së ujëvarës Niagara.
Ujëvara Viktoria mund të shihet nga Zambia ose Zimbabve.
Nga Zimbabve duket një pamje më piktoreske.
Për lajm-shqip:
Klajdi Thaçi
27.02.2018
