Shefi i shërbimit sekret amerikan- CIA, David Petraeus, ka dhënë dorëheqjen të premten. Arsyeja ka qenë një aferë jashtëmartesore.
Në një deklaratë, zoti Petraeus tha se ai i ka dorëzuar dorëheqjen presidentit dhe se ka treguar një gjykim jashtëzakonisht të dobët.
“Një sjellje e tillë është e papranueshme si një lider i një organizate si kjo e jona,” thotë Petraeus.
“Pasi kam qenë i martuar për mbi 37 vite, kam treguar një gjykim shumë të varfër, duke u angazhuar në një aferë jashtëmartesore,” vijon më tej ai.
“Një sjellje e tillë është e papranueshme si burrë dhe si lider i një organizate si kjo e jona. Këtë pasdite, presidenti me mirësjellje pranoi dorëheqjen time”.
Kurse Obama në një deklaratë tha se Petraeus ka ofruar një shërbim të jashtëzakonshëm për Shtetet e Bashkuara për dekada.
“Përgjatë gjithë jetës së tij në shërbim, David Petraeus e ka bërë vendin tonë më të sigurt dhe më të fortë. Duke ecur përpara, mendimet dhe lutjet e mia janë me Dave dhe Holly Petraeus, që kanë bërë kaq shumë për të ndihmuar familjet ushtarake përmes punës së tyre”.
Zëvendësdrejtori i CIA-s Michael Morell do të shërbejë si drejtori në detyrë i agjencisë.
Petraeus pasoi në verën e vitit 2011 Leon Panetta-n si kreu i CIA-s. Panetta shkoi në Ministrinë e Mbrojtjes.
60 vjeçari Petraeus ka shërbyer më parë si gjeneral në ushtrinë amerikane dhe ka qenë komandant i forcave ISAF në Afganistan.
Ai ka marrë shumë vlerësime për punën e bërë.
10.11.2012
Burimi: Gazeta Tema
