Ky është horoskopi për ditën e premte, 28 dhjetor 2018. Njihuni me parashikimin për punën, shëndetin dhe ndjenjat, si do të ecë dita për të lindurit e çdo shenje.
Dashi
Yjet sot do t’ju “shohin me simpati”, prandaj dita pritet të jetë mjaft pozitive, në radhë të parë në fushën profesionale. Afërdita ju jep një nur të tillë që ju bën shumë joshës.
Demi
Për shkak të orbitave jo shumë ‘të buta” të Mërkurit dhe Saturnit në shenjën tuaj, një farë shqetësimi i brendshëm nuk do t’ju lerë të punoni të qetë. Pak të tendosura raportet me partnerin.
Binjakët
Duke parë gjeometritë yjore do të ishte e preferueshme që të mos kishit edhe aq nxitim për të përfunduar një traktativë apo për të dhënë një fjalë. Pasionet e zjarrta vijnë nga Hëna.
Gaforrja
Parashikohet një periudhë e qetë për shumë të lindur të kësaj shenje, të paktën për dy ose tri ditë, derisa t’ia mbërrijë në shenjë Urani “i vrullshëm” e “t’ju shkundë”. Keni nevojë të reflektoni.
Luani
Me një Mërkur protagonist në shenjën tuaj është e kuptueshme që fusha në të cilën do të shkëlqeni është ajo e krijimtarisë. Afërdita ju rikthen qetësinë e brendshme të munguar.
Virgjëresha
Kalimi i “nxituar” i Marsit mund t’i japë një shpejtësi tepër të madhe edhe veprimeve tuaja, prandaj mundohuni t’i vini vetes fre. Edhe në planin sentimental duhet të ruani vetëkontrollin.
Peshorja
Në sajë të një Mërkuri superpozitiv në shenjë, sot do të jeni në gjendje të zotëroni një situatë të vështirë në aspektin profesional. Ritme frenetike, por edhe pasione të zjarrta në dashuri.
Akrepi
Duket se kundrejt një jave më parë, situata yjore do të jetë më e mirë dhe yjet që ju mbështesin do të jenë disa. Në fushën profesionale do të jeni shumë prodhimtarë, por jo edhe aq në dashuri.
Shigjetari
Si Afërdita ashtu edhe Marsi sot mund të rrisin pakënaqësinë tuaj dhe nga ana tjetër nën udhëheqjen e Mërkurit do të vazhdoni të keni një aktivitet shoqëror mjaft intensiv.
Bricjapi
Mundohuni të jeni më të qetë dhe më të durueshëm, nëse dëshironi që punët t’ju shkojnë “vaj”. Hëna në shenjë mund të sjellë energji të reja, ndërkohë që erosi duket se rizgjohet.
Ujori
Planetet ndodhen në një pozicion jo shumë në harmoni me njëri-tjetrin dhe gjendja juaj shpritërore mund të ndikohet deri diku, por jo aq sa t’ju prishë atmosferën e një mbrëmjeje të bukur me miqtë.
Peshqit
Ndoshta paratë do të jenë në qendër të vëmendjes tuaj. Me anë të një investimi të vogël do të arrini t’i jepni zgjidhje të përkohshme anës tuaj finanaciare. Shëndeti i mirë.
Erjona Keta
28.12.2018
