Shqipëria, përveçse nuk është e aftë të miratojë në kohë tre ligjet për marrjen e statusit të vendit kandidat, me sa duket nuk është në gjendje as të zhvillojë sipas parashikimeve takimet me Parlamentin Evropian.
Bëhet fjalë për shtyrjen e takimit ndërparlamentar PE-Shqipëri, që ishte parashikuar të mbahej në Tiranë më 19-20 dhjetor. Por Kuvendi i Shqipërisë ka njoftuar shtyrjen e takimit në momentin kur në PE ka nisur puna përgatitore për këtë takim.
Në fakt, një prej tre kushteve të mbetura pa plotësuar për marrjen e statusit kandidat, është edhe reformimi i Kuvendit, gjë e cila me këtë zhvillim vihet edhe më në pah nevoja e domosdoshme për reformë.
Kjo është hera e dytë, që shtyhet data e mbajtjes së këtij takimi ndërparlamentar, pasi fillimisht ishte parashikuar të mbahej në muajin tetor. Tashmë takimi PE-Shqipëri pritet të caktohet për t’u zhvilluar vitin e ardhshëm.
07.12.2012
Burimi: Gazeta Shekulli
Ja pse nuk e merr statusin Shqipëria
