Një peshore shquhet për ndershmëri, drojë dhe për ndjeshmërinë e thellë në marrëdhëniet ndërpersonale. Ndërsa, një luan mund të dallohet lehtësisht për nga kurajo, këmbëngulja dhe ambicia për të bërë përpara. Të gjitha shenjat e horoskopit kanë tiparet e tyre karakteristike. Megjithatë, çdonjëra mban të fshehur një anë të panjohur nga të tjerët.

Ja cilat janë cilësitë e fshehura të secilës prej shenjave të horoskopit

Më poshtë gjeni disa prej tipareve të fshehura të çdonjërës prej shenjave të horoskopit:

DASHI

Përveçse janë tipa origjinalë dhe të hapur me botën, të lindurit nën shenjën e Dashit kanë një karakteristikë që pak veta ua njohin. Këta persona kanë tendencën e përditshme që të fshihen nën petkun e synimit për të qenë më të mirët dhe për të realizuar dëshirat e tyre.

DEMI

Shpesh demat cilësohen si shumë kokëfortë, egoistë dhe intolerantë. Megjithatë, tej dukjes, janë njerëz shumë të dashur dhe të gatshëm për të ofruar dashuri me tepri. Sigurohen që të bëjnë më të mirën e tyre lidhur mepërkujdesjen ndaj atyre që i rrethojnë. Ata mbështesin përherë kauza të një rëndësie madhore.

BINJAKËT

Pas personalitetit të tyre të gëzueshëm, të shoqërueshëm dhe optimist, këta persona kanë një anë të izoluar dhe të veçuar nga bota. Binjakët janë shumë të përfshirë emocionalisht me miqtë dhe njerëzit e tjerë rreth tyre, ndaj ndonjëherë kanë nevojë të qëndrojnë të vetëm me qëllim që të rifitojnë energjitë.

GAFORRJA

Gaforret japin përshtypjen e butësisë, të qetësisë dhe të ndjeshmërisë, por në anën e tyre okulte janë gjithnjë të aftë për t’u ripërtërirë me kurajo.

Dinë si të pozicionohen mbi atë që përfaqësojnë dhe nuk dekurajohen nga presionet e jashtme.

LUANI

Mendimi që shumë vetë kanë për Luanët është se janë egoistë, të sigurtë tek vetvetja, deri në kufi të narcizmit. Megjithatë., konkluzione të tilla janë veçse sipërfaqësore, pasi të lindurit nën shenjën e Luanit janë njerëz të guximshëm dhe që përkushtohen. Edhe pse trishtohen nga dështimet e tyre, nuk ndalojnë së luftuari për përmbushjen e synimeve që i vendosin vetes.

VIRGJËRESHA

Edhe pse shihen si tejet të ndjeshëm, kritikë dhe kërkues, njerëzit e shenjës së Virgjëreshës janë miqtë që kushdo do të donte të kishte. Janë. gjithnjë të gatshëm për të mbështetur ata që duan dhe me vullnet të plotë lënë mënjanë problemet e tyre për t’u ofruar mbështetje të dashurve të tyre.

PESHORJA

Peshoret janë shumë të ndershme dhe këmbëngulin për të qenë gjithnjë pranë të dashurve të tyre. Ndërkohë, fshehin brenda vetes drojë, që shpesh nuk i lejon të shfaqin se kush janë në të vërtetë, me gjithë virtytet dhe të metat e tyre. Thellë-thellë kanë frikë se mos gjykohen nga njerëzit që i rrethojnë, për shkak të personalitetit të tyre të vërtetë. Pavarësisht kësaj, luftojnë çdo ditë për t’u çliruar nga ky mendim negativ.

AKREPI

Për shumë vetë Akrepi shihet si shenja më mizore e zodiakut: hakmarrës, i paedukuar, madje edhe shpesheherë dashakeqës.

Këto cilësime të tepruara mund të na pengojnë të shohim një anë shumë pozitive të personalitetit të Akrepëve. Të lindurit nën këtë shenjë janë shumë të vëmendshëm dhe të përkushtuar ndaj njerëzve që duan, duke i mbrojtur ata në çdo moment.

SHIGJETARI

Shigjetarët janë konsideruar si njerëz që i marrin shumë seriozisht premtimet që u bëjnë të tjerëve. Por, ajo që pak vetë dinë është se Shigjetarët përballen me një dilemë shumë konfliktuale brenda vetes, pikërisht përsa i përket plotësimit të gjithçkaje që premtojnë.

BRICJAPI

Bricjapi është ndër shenjat më pak të vlerësuar të zodiakut. Bricjapët shihen si njerëz rigorozë, shumë seriozë dhe për pasojë shpeshherë të mërzitshëm. Por, nga ana tjetër e gjithë këtyre karakteristikave, janë persona që përballen me momente pasigurie dhe pavendosmërie, sikurse të gjithë njerëzit në përditshmërinë e tyre. Në shumicën e rasteve, sjelljet e tyre të tepruara tregojnë në fakt nevoja e pashprehur që kanë për  ndihmë.

UJORI

Shpesh këta personat e kësaj shenjeje gjykohen si sipërfaqësorë dhe si apatikë, pa mendime, ndjenja dhe ideale. Por, ky perceptim është i rrejshëm sepse Ujorët kanë një natyre vetanike: i ndajnë ndjesitë me veten dhe e kanë të vështirë t’ua shprehin njërezve që i rrethojnë.

PESHQIT

Shpesh shihen si njerëz të sjellshëm., të edukuar dhe të ndjeshëm, mirëpo peshqit nxjerin në pah edhe anët e tyre jo dhe të këndshme kur ndihen të kërcënuar apo të fyer. Në këto raste, ata veprojnë me reciprocitet: “sy për sy dhe dhëmbë për dhëmbë”.

Për lajm-shqip:

Kristi Kaba

18.10.2018