Andrea Ndoja është emri i 22- vjeçarit shqiptar të vrarë ditën e djeshme nga një 45- vjeçar italian. Giulio Sale u vu në pranga për vrasjen e shkodranit, ndërsa krimi ndodhi mëngjesin e datës 10 maj, në Sinalunga në afërsi të Sienës. Personi i fundit që e pa të gjallë Antonion ishte shoku i vet shqiptar, Toni.
Është identifikuar nga policia italiane shqiptari i vrarë me armë zjarri në Itali. Ai është Andrea Ndoja 22 vjeç, i cili u qëllua për vdekje në mbrëmjen e 9 majit në komunën Sinalunga në provincën e Sienës. Policia italiane ka arresuar autorin e vrasjes, italianin Giulio Sale 45 vjec, banues në komunën Foiano në provincën e Arezzos, i cili ka pranuar dhe autorësinë, “por ka deklaruar se ka reaguar për vetëmbrojtje e se psitoleta e kalibrit 7.65 nuk ishte e tij.”
Hetimet e para kanë zbardhur se mes tyre ekzistonin prej kohësh probleme të vërtetuara dhe nga telefonata e shumta me njëri-tjetrin të zbardhura në aparatet e tyre celularë. Madje investiguesit italianë dyshojnë për një raport miqësie mes viktimës dhe vrasësit. Autoritetet italiane vazhdojnë të hetojnë duke ndjekur në mënyrë të vecantë pistën e larjes së hesapeve për motive problemesh financiare të lidhura me trafikun e drogës.
Italiani vrau 22-vjeçarin shqiptar, dëshmia e shokut që iu ndodh në çastet e fundit …
Policia italiane ka mbeldhur elementë të rëndësishëm gjatë kontrollit në banesën e autorit të vrasjes. Sipas mediave italiane ai ka qenë duke bërë dush në kohën që dëgjoi të shtënën e armës jashtë banesës.
“M’u hodh në krahë. Ishte i gjithë i gjakosur. Më përshpëriti, delet, delet janë kthyer, e pastaj vdiq në duart e mia”, është shprehur ai për mediat italiane.
Sipas tij kishte pak kohë që Andrean e shqetësonin në telefon me numra të panjohura, aq sa kjo situatë ishte bërë bezdisëse për të.
“Ishte një numër që e telefononte vazhdimisht. I thashë, ma trego se ndoshta e njoh. Gjashtë apo ndoshta shtatë muaj më parë ndodhi diçka, tha Toni. Por mendova se ishte tani një histori e mbyllur përgjithmonë. Shiko xhaketën time i thashë Andrea, shiko se si është bërë. Më sulmuan dy veta. Ata kishin thika. Për fat të mirë unë mbrojta veten me një shkop dhe i detyrova të arratiseshin. Xhaketa ime është shqyer në disa vende. Ia tregova Andreas. Nëse ai do më kishte dëgjuar, do ta kisha mbrojtur. Ndoshta do t’i largonim dhe tani ai do të ishte ende gjallë”, është shprehur shoku i tij Toni.
Për lajm-shqip:
Jorida Fataj
11.05.2018
